Nota de prensa:
A NEGATIVA DO PP A ACEPTAR NINGUNHA DAS EMENDAS AOS ORZAMENTOS DA XUNTA PARA 2012 CERTIFICA A NEGATIVA DOS POPULARES A POÑER MEDIDAS QUE EVITEN O PROGRESIVO DETERIORO ECONÓMICO E O DESMANTELAMENTO DOS SERVIZOS SOCIAIS E SANITARIOS DA COMARCA.
O PP non aceptou emendas dos nacionalistas por 13 millóns que pretendían compensar a rebaixa no investimento publico na comarca aplicado polo goberno de Feijoo.
As prioridades do PP pasan por aprobar EREs e non por manter os servizos sanitarios, as políticas contra o desemprego, as infraestruturas pendentes ou os políticas sociais.
A Mariña, 22 de decembro de 2012. O PP confirmou no pleno de onte a negativa a afrontar a forte crise económica exercendo o seu papel como goberno mediante a aplicación de políticas sociais e económicas que contrarresten o deterioro social e económico na nosa comarca. Os dous parlamentares do PP con residencia na comarca preferiron manter as súas cadeiras no parlamento a asumir o papel que lles corresponde defendendo os intereses da nosa comarca golpeada en extremo polos efectos da crise. O BNG viu como os mais de 13 millóns de euros en emendas de substitución eran laminados polos votos dos populares que teñen como prioridade estar ao servizo das empresas amigas aprobando EREs e non por manter os servizos sociais e sanitarios ou afrontar o crecente desemprego e o desmantelamento económico da comarca.
O PP renuncia a exercer un goberno que contrarreste os golpes da crise económica e so se dedica a recortar.
O Responsábel Comarcal do BNG na Mariña, Antonio Veiga Outeiro, cualificou de desastrosos os orzamentos da Xunta para a comarca, segundo Veiga, “o PP da por boa a política da renuncia a exercer o goberno para contrarrestar os golpes da crise económica e ten como máxima o recorte dos servizos públicos e os dereitos sociais ganados a pulso que agora se están poñendo en perigo.” O nacionalista explicou que as emendas presentadas polo BNG tiñan por obxecto tratar de compensar as rebaixas no investimento da Xunta na comarca para 2012 en relación a 2011 que cuantificou en 21,8 millóns, “presentamos emendas responsábeis tendo en conta a situación económica por importe de 13 millóns e aínda así topámonos coa laminadora do PP incapaz de asumir os seus compromisos coa Mariña”.
Nin Plan de choque contra o desemprego nin mantemento das políticas sociais, sanitarias e infraestruturas pendentes.
Con estes orzamentos, non vai haber plan de emprego para a comarca nin políticas decididas a manter as infraestruturas pendentes de executar na comarca que poderían ser un impulso á creación do emprego, dixo Veiga, quen engadiu que os compromisos do PP sobre a ampliación do Hospital da Costa son unha falsidade, e o mesmo poderíamos dicir sobre a creación de centros de día, garderías, apoio ás PEMES e comercios e tantos outros compromisos explicitados polo Presidente da Xunta e os seus corifeos na comarca, José Manuel Balseiro e Enma Chao.
O PP non gasta un minuto en dar o visto bo aos EREs presentados polas empresas amigas pero faise o remolón á hora de poñer en práctica políticas que compensen crecente desemprego e o deterioro económico da comarca.
Para resolver os problemas de desemprego e o progresivo deterioro económico na Mariña non serven anuncios propagandísticos, denunciou Veiga, que criticou que o PP se negase a apoiar un Plan de emprego para a comarca como demandaba o BNG e agora pida o noso apoio a un anuncio propagandístico. O nacionalista cargou contra José Manuel Balseiro e Enma Álvarez, mais preocupados en tapar o rápido apoio da Xunta aos EREs presentados polas empresas amigas que en poñer solución aos traballadores despedidos.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
