O concello de Burela aprobou en pleno facturas que pagará en canto “dispoña da suficiente liquidez”

Nota de prensa:

O PLENO APROBOU FACTURAS POR IMPORTE DE 135.000 EUROS, DOS QUE 57.000 CORRESPONDEN A FACTURAS ANTERIORES AO ANO 2011. O GOBERNO LOCAL CONSIDERA “SOSPEITOSO” QUE NIEVES CANDO CRITICASE QUE O ALCALDE FIXESE PÚBLICA DITA CANTIDADE.

Burela, 3 de marzo de 2012. O pleno do Concello de Burela aprobou o pasado xoves un recoñecemento de facturas de 2011 e anos anteriores por importe de 135.000 euros, coa finalidade de poder abonalas con cargo aos presupostos do presente ano e tan pronto como se dispoña da suficiente liquidez.

O alcalde, José María González Barcia, indicou que “éste é un trámite que marca a lei, e que é usado polos concellos con certa asiduidade”. Ademais, lembrou que “do total aprobado, o 42’5%, ou sexa, 57.000 euros, son de anos anteriores, e a contía restante pertence ao ano 2011, no que se celebraron as eleccións municipais”.

Segundo o equipo de goberno, “resultou chocante, e cando menos sospeitoso, o enfado mostrado pola portavoz do Grupo Mixto, Nieves Cando, polo feito de que o alcalde fixese pública no pleno a cifra total que se estaba aprobando. Cando puxo en dúbida a intencionalidade do alcalde, dando a entender que non facía falla que se dixese a cifra total no pleno e ante o público”. Os populares consideran que “ese enfado non viña a conto, a non ser que a Sra. Cando tivese algo que ocultar ou tivese algún problema de conciencia, porque alomenos 57.000 euros en facturas correspóndense á súa época de goberno, sen entrar a cifrar as que sendo do ano 2011 pertencen á súa xestión. Ao noso xuicio, o alcalde obrou con absoluta transparencia, porque os cidadáns deben coñecer como se empregan os seus cartos, e ademais como Equipo de Goberno temos a obriga de pagar tan pronto como sexa posible as facturas que se adebedan”.

Desde o goberno local indican que “alomenos 12.000 euros en facturas correspóndense a obras que se fixeron xunto cos Plan E e que non se pagaron. Facturas, eso sí, sobre farolas e alumiado, algo que como se ve era unha auténtica obsesión para o anterior alcalde, que logrou un récord, investir cento cincuenta millóns de pesetas en farolas para non aforrar nada en alumiado”.