Nota de prensa
Actos que, dentro do programa dos Sábados Culturais en Alfoz, están previstos para este mes de marzo. Algún deles faise en colaboración co veciño concello do Valadouro.
– Sábado, 3, 20 horas: Actuación do Grupo de Teatro da Confraría “Cristo Xacente e Virxe das Dores” de Alfoz e O Valadouro, que representarán a obra “Ladronzuelos no belén”.
– Sábado, 10, 19 horas. No Salón de Actos da Casa da Cultura do Valadouro, acto de homenaxe ás mulleres, co gallo da celebración do Día da Muller Traballadora. O acto estará organizado conxuntamente polas Delegacións de Cultura dos concellos de Alfoz e O Valadouro e contará coa participación dun bo número de mulleres. Seguirá o formato de coloquio, acompañado dalgunhas actuacións. O acto será retransmitido en directo pola Radio Valadouro, e contará coa participación de mulleres do ensino, da política, relixiosas, universitarias, de asociacións vinculadas ó mundo da muller, psicólogas, empresarias, policías, etc.
– Sábado, 17, 20 horas: No Salón de Actos da Casa da Cultura de Alfoz, proxección do primeiro derbi de fútbol do noso Val gravado en vídeo, o partido Valadouro-Alfoz, que se celebrou no pasado mes de febreiro no campo de O Árbol de Ferreira. Os comentarios correrán a cargo de Xabier Pardiñas, Antonio Jesús Lorenzo “Cachín” e Sabela Quirós; as cámaras serán manexadas por Matías Nicieza e Pepe Peinó e a produción correrá a cargo da Radio Valadouro, en colaboración co IES Alfoz-Valadouro.
– Sábado, 24, 20 horas: Concerto musical a cargo de alumnos de varias Escolas de Música da Mariña Lucense, dirixidos por Xan Carballal. Os participantes, así como as pezas a interpretar, aínda están por decidir.
– Sábado, 31, 20 horas: Teatro. A cargo da Asociación Xuvenil “Xoldra” de Mondoñedo a representación da obra titulada “A familia de Merlín e a xente daquí”. Trátase de sente nova que xa fixo esta obra nestes meses pasados en Mondoñedo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
