Nota de prensa
Con motivo do Día Internacional das Mulleres o Observatorio homenaxea ás mariscadoras de Rinlo
A homenaxe terá lugar o próximo sábado día 10 de marzo, ás 18.00h, na Escola de Rinlo
O próximo 8 de marzo, Día Internacional das Mulleres, o Observatorio celebrará o seu cuarto aniversario de andaina feminista pola Mariña de Lugo. Nestes catro anos de traballo, leváronse a cabo numerosas actividades nas distintas localidades mariñás, sempre pensadas en prol da igualdade. Charlas café desde un punto de vista de xénero sobre temas de actualidade, video-forums para coñecer a situación das mulleres doutras culturas e para visibilizar o traballo das directoras de cinema, campaña e proxectos cos IES mariñás para previr a violencia de xénero no alumnado de secundaria, cursos de fotografía dixital,o concerto Músicas e letras en feminino, para valorar o traballo das artistas da zona, diversas campañas informativas, denuncias públicas, etc.
Este ano, para conmemorar ese cuarto aniversario e o Día Internacional das Mulleres, quixemos render unha homenaxe ao traballo das mulleres mariscadoras da nosa zona. O seu é un traballo duro, con riscos e sen horarios, que moitas veces non se valora o suficiente. Un traballo co que as mulleres rinlegas contribuíron durante décadas ao benestar da súa familia, do seu pobo. Para elo, no acto que terá lugar o próximo sábado día 10, ás 18.00h na Escola de Rinlo, contaremos coa presenza de:
-Adela Figueroa, escritora que lles adicará un texto e que se encargará de facer un pequeno recital poético.
-Celsa Sánchez, ilustradora que agasallará ás mariscadora cunha das súas obras
-Pilocha, que se encargará da parte musical do acto cantando un par de pezas.
Ao final do acto haberá un pequeno petisco para todas as persoas asistentes.
Cómpre recordar que durante este mes de marzo o Observatorio está inmerso nunha chea de actividades que comezaron o pasado 1 de marzo coa presentación do libro de Carme Adán “Cartografías do derrubo. Escribir ao xornal”, Casa das Letras de Ribadeo. O acto aproveitouse tamén para facer unha reflexión conxunta sobre xornalismo, política e mulleres.
O martes 6 de marzo o Observatorio participou en Ribadeo, xunto con outros colectivos, na mesa redonda sobre como afecta a crise aos servizos públicos e ás mulleres, acto enmarcado dentro da campaña nacional do 8 de marzo “Mulleres galegas en loita polos nosos dereitos” que terá o seu punto central na manifestación do domingo 11, ás 12.00h, en Compostela.
O próximo venres día 9 participaremos tamén en Lugo nunha charla sobre a lei de familia e a re-penalización do aborto que terá lugar ás 20.00h no local de A Cova da Terra.
Asimesmo, ao longo do mes de marzo o Observatorio comezará a campaña de información e difusión, por toda a Mariña, da nova normativa que entrou en vigor o pasado 1 de xaneiro sobre o réxime das traballadoras do fogar.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
