Nota de prensa
Máis de 4.000 rapaces de 51 colexios da provincia participarán nas actividades da Deputación polos Días da Árbore e da Auga
– A Deputada de Medio Ambiente anunciou que os actos desenvolveranse de xeito simultáneo o xoves 22 e terán como eixos a lectura nas aulas do conto infantil Dona Pinga e Don Carballo fan Amizade e a plantación dun carballo no entorno de cada centro
– Os colexios que decidiron sumarse ó programa recibirán de maneira gratuíta o libro –un por alumno- e a árbore para celebralas actividades, financiadas ó 70% pola UE
– A educación dos nenos no respecto ó medio ambiente e o fomento de hábitos saudables no consumo de auga, especialmente neste ano de seca, son os obxectivos da institución luguesa con esta iniciativa, que desenvolve por primeira vez
A Deputación de Lugo conmemorará os Días Internacionais da Árbore e da Auga cun programa de actividades escolares que se desenvolverán o vindeiro xoves 22 e nas que participarán máis de 4.000 rapaces de 51 colexios públicos da provincia, segundo anunciou este luns a Deputada de Medio Ambiente, Sonsoles López Izquierdo. Trátase da primeira vez que o organismo provincial promove estes actos conmemorativos, que terán como eixos a lectura nas aulas dun conto infantil, Dona Pinga e Don Carballo fan Amizade -editado especialmente para a ocasión- e a plantación dun carballo nas inmediacións de cada centro. Os colexios que decidiron sumarse ó programa recibirán de maneira gratuíta o material necesario para a celebración, organizada a través da segunda fase do programa Lug02, dotado con 6,5 millóns de euros, que achega a Unión Europea nun 70%. A iniciativa forma parte ademais da axenda de actos culturais e divulgativos que a Deputación promove con motivo do 10º aniversario da Reserva da Biosfera Terras do Miño.
“A educación dos nenos no respecto ó medio ambiente e o fomento de hábitos saudables no consumo de auga, especialmente neste ano de seca, que pode pasar á historia como o máis seco dos últimos 70 anos en Galicia e o menos chuvioso en Lugo no que vai de século”, son os obxectivos desta iniciativa, explicou a Deputada, engadindo que o proxecto “dá continuidade ás actividades de difusión e concienciación que vimos organizando na Deputación para nenos e maiores, pois estamos convencidos de que o desenvolvemento sostible dos noso grandes recursos naturais pasa polo empeño institucional, pero tamén moi especialmente pola implicación de toda a sociedade”.
Sonsoles López indicou que o organismo provincial céntrase agora nos Días da Árbore e da Auga porque “representan dúas das maiores calidades da nosa provincia: A primeira, gozar dunha fermosa e rica flora, de ser unha terra verde por natureza grazas ás fragas, bosques e vexetación abondosa; de feito, a superficie forestal ocupa o 68% do total da provincia e desta, un 63% é monte arborizado; e a segunda calidade, ser unha terra de choiva, de ríos e de rías. A provincia conta con catro rías e 14 ríos, cos seus incontables afluentes, ademais de lagoas, brañas…”
Horarios da xornada
O Día da Árbore celébrase a nivel mundial o 21 de marzo e o da Auga, o 22, pero as actividades organizadas pola Deputación celebraranse de maneira simultánea nesta segunda xornada, o xoves 22, no seguinte horario:
Ás 11:00 horas.- Rapaces e profesores lerán na aula o conto Dona Pinga e Don Carballo fan amizade, e falarán da historia, na que se narra o ciclo da auga seguindo as aventuras dunha pinga viaxeira e os seus encontros cun carballo sedentario. Despois traballarán na unidade didáctica que inclúe o libro, que ofrece consellos para saber máis das árbores e da auga en relación coa conservación da vida e da natureza. Cada centro recibirá un exemplar por alumno.
Ás 11:30 horas.- Os nenos de cada colexio elixirán un nome para a árbore que despois plantarán. O xogo consistirá en propoñer varios nomes, escribilos nun papel e sacar un deles ó azar.
Ás 12:00 horas.- Será a Hora da Árbore e da Auga en toda a provincia, pois no espazo escollido polo colexio os cativos plantarán un carballo e regarano por primeira vez. Deste xeito, farán o seu bautizo poñéndolle o nome que elixiron.
Invitación a tódolos colexios
A Deputación quixo que esta xornada fose o máis participativa posible, polo que invitou a sumarse a tódolos colexios públicos lucenses a través dunha carta dirixida ós directores. Finalmente, fixérono 51 centros de 50 Concellos. Son os seguintes, divididos por comarcas:
– A Mariña (15): Gregorio Sanz de Ribadeo; Castro de Ouro de Alfoz; San Miguel de Reinante e San Cosme, de Barreiros; Virxe do Carme e Vista Alegre de Burela; CEIP de Cervo; Nº1 de Foz; CEIP de Riotorto; Celso Currás de Trabada; Santa María do Valadouro; CEIP do Vicedo; Antonio Pedrosa Latas de Viveiro; Pedro Caselles Rollán de Xove; e Juan Rey de Lourenzá.
– Zona Sur (14): Rosalía de Castro de Bóveda; Xosé Luís Taboada de Carballedo; Xoán de Requeixo de Chantada; Ricardo Gasset do Incio; CEIP de Monforte de Lemos; Monte Baliño de Pantón; San Miguel de Paradela; CEIP do Páramo; CEIP da Pobra do Brollón; Virxe da Luz de Portomarín; CEIP de Quiroga; CEIP de San Clodio, en Ribas de Sil; CEIP de Currelos, no Saviñao; e Eduardo Cela Vila de Triacastela.
– Lugo (4): CEIP do Corgo, CEIP de Lousada, en Guntín; e As Mercedes e Rosalía de Castro, en Lugo.
– Terra Chá (10): Aquilino Iglesias Alvariño de Abadín; Ramón Falcón de Castro de Rei; CEIP de Muimenta; Lagostelle de Guitiriz; Laverde Ruíz de Outeiro de Rei; O Salvador da Pastoriza; Rosalía de Castro de Pol; Otero Pedrayo de Rábade; CEIP de Xermade, e CEIP de Baamonde.
– A Ulloa (3): CEIP de Antas de Ulla; CEIP de Monterroso; CEIP de Palas de Rei.
– A Montaña (5): Ponte de Doiras de Cervantes; San Xoán de Becerreá; Santa María da Fonsagrada; CEIP das Nogais; e Aníbal Otero de Ribeira de Piquín.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
