Nota de prensa
EDUCACIÓN E CULTURA DOTA O CEIP JUAN REY DE LOURENZÁ DUNHA NOVA PISTA POLIDEPORTIVA, NA QUE INVESTIU PRETO DE 22.000 EUROS
As obras, que veñen de ser rematadas, supuxeron a creación dunha dotación dunha superficie de 875 metros cadrados, que permitirá desenvolver actividades deportivas na mesma
Lourenzá, 20 de marzo de 2012.- A Consellería de Cultura, Educación e Ordenación Universitaria ven de rematar as obras acometidas no Colexio de Educación Infantil e Primaria (CEIP) Juan Rey de Lourenzá, no que desenvolveu unha actuación que permitiu dotar ao centro dunha nova pista polideportiva, que permite ampliar as posibilidades para realizar actividades deportivas no centro.
No día de hoxe, o xefe territorial deste departamento na Delegación Territorial de Lugo, José Jesús Ramos Ledo, e a xefe do servizo de Inspección Educativa da Delegación Territorial, Concepción Aramburu, visitaron o centro para revisar as obras, acompañados polo alcalde do municipio laurentino, Vidal Martínez Sierra. As obras contemplaron a excavación de gavias, realización de arquetas e instalación de canalización de augas, ademais da instalación dunha superficie de 35×25 metros (875 metros cadrados) para a realización de actividades deportivas.
As actuacións dispostas, segundo concluíu Ramos Ledo, “levaronse a cabo con cargo aos orzamentos do plan de Obras de Reforma, Ampliación e Mellora (RAM) do presente exercicio 2012 e, as tarefas de execución, contaron cun prazo de execución de apenas un mes”.
A actuación levada a cabo, segundo expuxo o xefe territorial supuxo un investimento de preto de 22.000 euros (21.234,11 euros). As obras, que veñen de ser rematadas, facilitan que a partir destes días, os 125 alumnos deste centro poidan dispoñer dunha pista que permite a realización de actividades deportivas ao aire libre nunhas condicións óptimas. Así mesmo, tamén se levaron a cabo tarefas de mellora da accesibilidade.
A execución destas obras ven a sumarse aos traballos de reforma e modernización que o Executivo galego, a través do departamento de Cultura e Educación, realizou no devandito centros educativo dende o ano 2009.
Neste sentido, o actual Goberno autonómico investiu xa nos últimos anos preto de 30.000 en tarefas de mellora da CEIP Juan Rey. Os traballos realizados facilitaron, fundamentalmente, a realización de adaptacións na instalación eléctrica, o acondicionamento da zona de xogo infantil.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
