Nota de prensa:
REPRESENTACIÓN DA MARIÑA DE LUGO NO SALÓN INTERNACIONAL DA ALIMENTACIÓN
PIZZBUR PARTICIPA NA FEIRA INTERNACIONAL ALIMENTARIA PRESENTANDO OS SEUS PRODUTOS ‘MADE IN GALICIA’ E O SEU NEGOCIO EN FRANQUÍA
A empresa PIZZBUR, con locais en Viveiro e Ribadeo (Lugo), terá unha presenza destacada no Salón Internacional da Alimentación e Bebidas, Alimentaria 2012, que se celebra en Barcelona do 26 ao 29 deste mes.
Durante a próxima semana o recinto Gran Vía da Fira de Barcelona acolle unha nova edición de Alimentaria, Salón Internacional da Alimentación e Bebidas, na que participarán preto de 4.000 empresas e 140.000 visitantes profesionais de todo o mundo, ocupando máis de 94.000 metros cadrados e con oferta comercial e de actividades destinadas ao negocio, a promoción, a gastronomía e a I+D+i agroalimentaria.
A empresa mariñana PIZZBUR estará presente co seu propio posto na feira, promovendo a posta en marcha do seu negocio en franquía e sobre todo dando a coñecer os seus propios produtos, como as Galipizzas, as hamburguesas Galizbur e o seu modelo de negocio.
Produtos ‘made in Galicia’
A característica máis significativa da cociña de Pizzbur é a orixinalidade dos seus produtos ‘made in Galicia’. As súas ideas apóianse na calidade da materia prima de Galicia para fusionala con novos produtos e presentar sabores orixinais que demostran que os produtos rexionais galegos son ricos en calquera das variedades en que se presenten.
Por exemplo, a Galipizza® é unha pizza creada sobre unha base de masa artesanal e que emprega queixo galego de San Simón en lugar de mozarella. Na súa elaboración combinamos ingredientes tipicamente galegos, como os grelos, o raxo, o touciño, o lacón, os ovos, zorza, gambas, patacas, chacina, vieira, pementos, cabaciña, tomate ou diferentes queixos galegos de Arzúa-Ulloa, do Cebreiro, de tetiña… Por iso chámanlle “a pizza tradicional de Galicia”, aínda que aos galegos nunca se nos identificase polas nosas pizzas…
Apoiándose no actual boom das hamburguesas gourmet Pizzbur presenta as GaliZbur Platino®, que son hamburguesas de categoría especial elaboradas con ingredientes exclusivos, como a carne de boi e Ternera Galega, chourizo, grelos, queixo de San Simón ou crema de queixo de cabra… todo iso nun pan especial de elaboración propia, que lle achega o seu sabor particular, pero non lle rouba protagonismo ao sabor da hamburguesa.
Show Cooking da Galipizza
O mércores 28 ás 13h30 o stand 4F250 de Grupo Pizzbur Playa centrará a atención cun show cooking da Galipizza. Trátase dunha demostración de cociña en directo diante do público, para dar a coñecer os seus ingredientes autóctonos e o xeito tradicional en que se elabora.
Franquía Pizzbur
Coa creación da Franquía Pizzbur a empresa quere facer chegar o seu “bocado de gastronomía galega” a todos aqueles emprendedores que buscan un investimento atractivo e están dispostos a lanzarse ao mundo da restauración, tanto en Galicia coma en calquera outro punto de España. Con esta presenza na feira Alimentaria preténdese dar un gran salto no crecemento da franquía.
Campaña “Llévate un bocado de Galicia”
Para dar a coñecer a súa presenza en Alimentaria, Pizzbur lanzará unha campaña de promoción na propia feira baixo o lema “Llévate un bocado de Galicia”, aproveitando que no seu posto se ofrecerán degustacións gratuítas de diferentes variedades de Galipizza e de bolos preñaos, mantendo o costume de tapeo que ofrece nas súas cervexarías de Viveiro e Ribadeo, na costa de Lugo.
A idea e a creatividade desta campaña foi desenvolvida pola axencia de publicidade Logaidea Comunicación, de Burela. Con esta campaña quérese regalar aos visitantes da feira un recordo de Galicia en forma de tarxetas postais, animalos a que se acheguen ao posto de Pizzbur, a que proben unha mostra dos seus produtos e tentar os emprendedores a que se leven un bocado de Galicia en forma de franquía a outros lugares de España.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
