Trátase dun proxecto solicitado por varias confrarías do norte de Galicia, principalmente da provincia de Lugo: Ribadeo, Foz, Burela, Celeiro e O Vicedo
A XUNTA CONFIRMA, EN RESPOSTA AO DEPUTADO POPULAR JOSE MANUEL BALSEIRO, QUE IMPULSARÁ O PLAN DE REXENERACIÓN DO OURIZO MARIÑO COA COLABORACIÓN DE CINCO CONFRARÍAS LUCENSES
O departamento autonómico explica que o obxectivo deste plan é poñer en marcha accións plurianuais para rexenerar os bancos naturais e garatir deste xeito a sustentabilidade dos mesmos, incrementar os ingresos dos profesionais e o ofrecemento de posibilidade reais de emprego ás novas xeracións
Santiago, 30 de marzo de 2012.- A Consellería do Medio Rural e do Mar confirma, a través dunha resposta escrita ao deputado popular Jose Manuel Balseiro, a súa intención de impulsar o proxecto de rexeneración do ourizo de mar (paracentrotus lividus) nas rías Altas galegas e, polo tanto, na costa norte das provincias de Lugo e da Coruña.
Segundo explica o departamento autonómico que dirixe Rosa Quintana no seu escrito oficial, o obxectivo deste plan “é poñer en marcha accións plurianuais para rexenerar os bancos naturais e garatir deste xeito a sustentabilidade dos mesmos”. A Xunta busca tamén a través deste proxecto “incrementar os ingresos dos profesionais” que que traballan na captura desta especie mariña, así como no “ofrecemento de posibilidade reais de emprego ás novas xeracións”.
CINCO CONFRARÍAS
O portavoz de Mar do Grupo Popular tiña rexistrado unha pregunta parlamentaria sobre o desenvolvemento do plan de rexeneración do ourizo do mar, despois de que diversos informes científicos manexados pola administración autonómica confirmaran as súas sospeitas. Esta situación derivábase da decisión do anterior Goberno bipartito de permitir a extracción de ourizo aos afeccionados, así como o cambio e inclusión de novas fórmulas de explotación (mergullo), que provocara un impacto negativo neste recurso e contribuíera a súa escaseza, prexudicando dun xeito evidente aos profesionais que participan nas campañas de captura do ourizo.
Na súa resposta, a Consellería de Medio Rural e Mar sinala que o proxecto vese favorecido polo interese común das confrarías e agrupacións de mariscadoras desta zona. De feito a solicitude do mesmo a efectuan varios pósitos do norte de Galicia, principalmente da provincia de Lugo: Ribadeo, Foz (Agrupación de mariscadoras de San Cosme de Barreiros), Burela, Celeiro e O Vicedo, aos que hai que sumar a confraría coruñesa de Espasante.
A administración autonómica indica tamén que o Centro de Cultivos e Investigacións Mariñas de Ribadeo (CIMA) e o minicriadeiro do Vicedo colaborarán neste proxecto. O ente autonómico adicado á investigación mariña comprométese a achegar semente e ao asesoramento científico-técnico que demandes as entidades. Ademáis, as propias asistencias técnicas das confrarías traballarán en conxunto para poder levar a cabo este proxecto.
SEIS FASES
A Consellería do Mar explica a Jose Manuel Balseiro que son seis as accións previstas no proxecto:
1º Selección dos bancos sobre os que se pretende actuar, segundo criterios de estado do recurso, accesibilidade, interese polo sector e condicións óptivas para a especie.
2º Mostraxes previas á rexeneración.
3º Obtención de semente: O CIMA de Ribadeo subministrará a semente e a súa vez as entidades colaborarán na obtención de proxenitores e na recollida de macroalgas para a alimentación dos mesmos.
4º Sementeiras: Nas zonas elixidas para a rexeneración sementarase seguindo unha metodoloxía común a todas as zonas.
5º Fase de seguimento: farase a través de mostraxes semestrais para a monitorización da evoluciónn das poboacións, seguindo o protocolo de mostraxe establecido.
6º Instalación dunha estrutura de preengorde: De acordo coa evolución esperada na produción de semente e como continuación do proxecto incial, prevese a instalación dunha plataforma flotante de preengorde como etapa intermedia entre a produción de semente no criadeiro e a sementeira no medio natural. Isto favorecerá a adaptación da semente ao medio mariño e a súa viabilidade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
