Á Mesa do Parlamento
José Manuel Balseiro Orol, Marisol Piñeiro Martínez, Encarna González Montemuiño, Rosa Oubiña Solla, Gema Freire Insua, Marta Valcárcel Gómez e Fátima Iglesias Pereira deputado e deputadas do Grupo Parlamentario Popular de Galicia, ao abeiro do disposto no artigo 152 do Regulamento da Cámara presentan, ante esa mesa, a seguinte pregunta para a súa resposta Oral en Comisión
O 9 de febreiro de 2012 o Consello da Xunta aprobaba inicialmente o novo Plan de Acuicultura do Litoral. No visor web disposto pola Consellería de Medio Rural e Mar podemos comprobar como o polígono industrial de Cuiña, en Cervo (Lugo) forma parte dos emprazamentos autorizados dentro do nivel 1 e 2 do novo plan acuícola, o que permitira situar de inmediato a instalación de novas granxas acuícolas cumprindo unha xeira de parámetros de avaliación ambiental e integración paisaxística.
O Goberno do Partido Popular corrixe con esta posibilidade unha decisión do anterior Executivo bipartito que deixou fóra ao Polígono de Cuiña do Plan de Acuicultura que no seu día foi aprobado. Ao mesmo tempo pon en evidencia a socialistas e nacionalistas que en decembro do ano 2007 votaban en contra dunha iniciativa parlamentaria promovida por Jose Manuel Balseiro reclamando que Cervo puidera acoller novas piscifactorías.
A decisión adoptada polo Executivo que preside Alberto Núñez Feijóo é de especial importancia xa que fará posible a xeración de novas oportunidades laborais e un bo número de novos postos de traballo tal e como aconteceu no seu día coa apertura das piscifactorías que están xa plenamente operativas e instaladas nesta zona industrial cervense.
En relación con este asunto, o Grupo Parlamentario Popular formula as seguintes preguntas:
1.-) ¿Pode confirmar a inclusión do polígono de Cuiña, en Cervo (Lugo), dentro dos emprazamentos autorizados -nos niveis 1 e 2- do novo plan acuícola? De ser así, ¿cantos metros cadrados están afectados?
2.-) ¿Que características fan deste polígono un espazo ideal para albergar novas instalacións acuícolas?
3.-) A xuízo dos datos achegados ¿que valoración fai a Xunta de Galicia da decisión do anterior Executivo bipartito de excluír este polígono dentro dos futuros emprazamentos acuícolas?
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
