Alumnos do IES Marqués de Sargadelos visitaron a potabilizadora da Senra
-Os estudantes percorreron as instalacións da planta e coñeceron o proceso de tratamento da auga
-Técnicos de Augas de Galicia e da empresa concesionaria do servizo guiaron a visita
Cervo, 31 de maio de 2012-Arrincan as visitas á Estación de Tratamento de Auga Potable situada na Senra, organizadas polo Concello co obxectivo de amosar o seu funcionamento á veciñanza. Os primeiros en percorrer as súas instalacións e en coñecer o proceso de potabilización foron uns 15 alumnos do ciclo superior de química industrial do IES Marqués de Sargadelos, que se achegaron esta mañá ata a ETAP acompañados de profesorado do centro.
O alcalde de Cervo, Alfonso Villares e a edil de Medio Ambiente, Begoña Alonso, tamén participaron no acto. Técnicos de Augas de Galicia e persoal de Espina y Delfín, a empresa concesionaria, foron os encargados de guiar aos visitantes polo equipamento e de explicar as distintas etapas dende que a auga entre na estación de tratamento ata que é apta para o consumo.
“Dende o goberno local estamos moi satisfeitos de que sexan alumnos e alumnas do instituto os que inicien esta rolda de visitas á potabilizadora” asegura o alcalde, Alfonso Villares. “Coñecer de preto o funcionamento dun equipamento coma este e descubrir un proceso descoñecido é toda unha experiencia que incluso pode resultar útil para uns alumnos de química industrial como os que hoxe visitaron a planta” engade o rexedor.
Esta é a primeira das visitas programadas pola Delegación de Medio Ambiente á potabilizadora, aínda que nelas pode participar toda a veciñanza de Cervo. De feito, as persoas que desexen entrar na ETAP e coñecer o proceso de potabilización poden apuntarse na Casa do Concello ou na Casa da Cultura de San Ciprián. Unha vez coñecida a demanda, a administración local planificará as distintas quendas e fixará as datas das seguintes visitas. Polo momento xa está previsto que varios grupos de alumnos do instituto cervense se acheguen ata a planta o curso que vén.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
