Deputación e Grupos de Desenvolvemento Rural inician un traballo conxunto para a promoción económica das Reservas da Biosfera
– Gómez Besteiro asinou un convenio cos 6 GDR de Terras do Miño e Ancares para a posta en marcha das estratexias de traballo destes grupos “cos que compartimos a aposta polo desenvolvemento rural para frear a sangría demográfica”
– Con esta acordo, os 24 guías medioambientais da Deputación especializados nas Reservas traballarán cos GDRs na documentación do territorio
– A Deputación continúa facendo do medio ambiente unha oportunidade económica logo de acordar este días a contratación de expertos da USC para catalogar as zonas das Reservas
O Presidente da Deputación, José Ramón Gómez Besteiro, e os representantes dos 6 GDR (Grupos de Desenvolvemento Rural) presentes nas Reservas da Biosfera Terras do Miño e Os Ancares Lucenses asinaron este xoves en San Marcos un convenio co que se inicia unha relación de cooperación encamiñada a potenciar o desenvolvemento e promoción destes espazos protexidos. Gómez Besteiro destacou que “os GDR sitúanse nun lugar preferente para a Deputación porque compartimos a aposta polo desenvolvemento do rural para frear a sangría demográfica”. Antonio Ventura Figueroa, Xerente da Asociación Terras de Lugo, que interviu en representación dos grupos, agradeceu ó Presidente e á institución luguesa a colaboración prestada, así como a participación dos GDR na xestión das Reservas a través dos Órganos de Xestión. “Os GDR somos guías do noso territorio para o seu desenrolo sostible. Os nosos fins e obxectivos encaixan cos que defende a Deputación”, subliñou.
En virtude deste primeiro acordo de colaboración entre ambas entidades, a Deputación poñerá a disposición dos GDR os 24 beneficiarios do programa de bolsas de emprego que a institución luguesa convocou para formar guías especializados nas Reservas. Pola súa banda, o organismo provincial garante que eses 24 guías medioambientais recibirán unha formación práctica útil e de calidade, ó desenvolvela en estreita colaboración e no territorio dos GDR, uns colectivos que levan a cabo “unha labor fundamental para a dinamización socioeconómica do rural e loitar contra a sangría demográfica que padece”, destacou Gómez Besteiro.
O mandatario provincial subliñou que, con este convenio cos Grupos de Desenvolvemento Rural, a Deputación reafirma “a súa aposta por consolidar o medio ambiente como oportunidade económica da provincia e, en particular, daqueles territorios que contan coa declaración de Reserva da Biosfera e que ocupan máis do 50% do territorio lugués”. O Presidente lembrou que, no marco desta mesma aposta pola economía medioambiental, a institución provincial vén de acordar a contratación de expertos da Universidade de Santiago de Compostela para catalogar os espazos que integran as Reservas de Terras do Miño e Os Ancares Lucenses, co fin de poder renovar dita declaración outorgada pola UNESCO e continuar co seu desenvolvemento sostible e económico.
Os 24 beneficiarios do programa de guías medioambientais convocado pola Deputación desenvolverán entre os meses de xuño e setembro actividades culturais, divulgativas e de sensibilización, ademais dunha intenso labor de recompilación de información de intereses sobre Terras do Miño e Os Ancares Lucenses. Todos estes recursos serán postos a disposición dos 6 GDR presentes nas Reservas, o que lles facilitará o deseño e posta en marcha de novos proxectos rurais e económicos, ó dispoñer de documentación ampla e detallada sobre o patrimonio natural, cultural, etnográfico e histórico das súas zonas de acción. De xeito paralelo, a información recompilada polos guías será incorporada de xeito progresivo ó navegador xeográfico www.delugo.org, o Google medioambiental das Reservas da Biosfera, que puxo en marcha a Deputación hai un ano con fondos europeos de Lug02.
Grupos participantes
Ademais de Antonio Ventura Figueroa do GRD-4, participaron no acto: David Díaz Losada, Presidente da Asociación de Desenvolvemento da Comarca da Terra Chá (GDR-2) ; Xosé Manuel López Tellado, Presidente da Asociación Montes e Vales (GDR-3); José Fernández Gómez, Presidente da Asociación de Desenvolvemento Rural Ancares-Courel (GDR-5); Ana Ermida Igrexas, Xerente da Asociación de Desenvolvemento da Comarca da Mariña (GDR-1); e Carlos Nieto Pérez, Xerente da Asociación Os Sete Castro (GDR-6). O Presidente destacou que a Deputación “esperamos contaxiar o ánimo de cooperar con estes colectivos a outras administracións como a Xunta de Galicia”.
Os Grupos de Desenvolvemento Rural están formados por entidades representativas de diferentes ámbitos: sectores agrario, gandeiro e forestal; asociacións de mulleres; asuntos sociais; colectivos xuvenís; entidades deportivas e recreativas; asociacións veciñais e culturais; entidades empresariais e institucionais, entre outras, que se constitúen en mesas sectorais, as cales levan a cabo todo tipo de iniciativas encamiñadas á posta en valor dos recursos dispoñibles no rural para dinamizar o socioeconomicamente e loitar contra o despoboamento. Algunha destas iniciativas son, por exemplo, o impulso de rutas de sendeirismo, feiras sectoriais e de promoción de produtos autóctonos, ou o papel que desempeñan como puntos de información nos que se ofrece asesoramento e apoio en trámites administrativos para todos os colectivos presentes no rural. Son, polo tanto, axentes activos que aglutinan o traballo de centos de asociacións que traballan en prol do desenvolvemento galego. En Galicia hai un total de 31 Grupos de Desenvolvemento Rural, que aglutinan preto de 4.000 asociacións; destes, 8 Grupos e preto de 120 asociacións circunscríbense á provincia de Lugo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
