Augas de Galicia está rematando a supervisión dos proxectos para a mellora de saneamento e abastecemento neste municipio, proceso previo á súa pronta licitación
A Xunta sinala que está a aplicar o mesmo criterio en Barreiros que noutros concellos á hora de cooperar para a dotación de infraestruturas
· A secretaria xeral de Ordenación do Territorio explica que no convenio de Barreiros, o concello asume o 51% do investimento, cantidade que é aportada polos promotores
· resto do investimento corre por conta do Goberno galego e a Deputación de Lugo
· A execución dos proxectos sectoriais de abastecemento, saneamento e rede viaria permitirá a consolidación das infraestruturas e servizos do solo urbano necesarios para a mellora da calidade de vida dos habitantes deste concello lucense
· Estas accións de melloras hidráulicas proxectaranse sobre núcleos como San Cosme, San Pedro, San Miguel ou Reinante
Santiago, 31 de maio de 2012.- A Consellería de Medio Ambiente, Territorio e Infraestruturas está a aplicar en Barreiros o mesmo criterio que en outros concellos da provincia de Lugo e de Galicia, no ámbito da cooperación para a dotación de infraestruturas. Así o manifestou hoxe a secretaria xeral de Ordenación do Territorio e Urbanismo, Encarnación Rivas, na súa intervención na Comisión 2º de Ordenación Territorial, Obras Públicas, Medio Ambiente e Servizos, onde precisou que no caso do convenio de Barreiros, o concello asume o 51% do investimento, que é aportado polos promotores, e o resto corre por conta da Xunta e a Deputación de Lugo.
Rivas explicou que hai múltiples exemplos de actuacións semellantes nas que a Xunta de Galicia colabora cos concellos na adecuación de servizos propiamente municipais. Cómpre salientar que na maioría dos casos deste tipo de convenios, o Goberno galego asume ata o 100% do investimento, ou como no caso das obras hidráulicas de Pontevedra e Marín un 70 e un 80%, respectivamente do investimento.
No que se refire ao caso de Barreiros, trátase dun proxecto sectorial para a mellora e ampliación das infraestruturas básicas de abastecemento dos núcleos de San Cosme, San Pedro, San Miguel e Reinante, cuxo orzamento de licitación ascende a 6 millóns de euros. Para as mesmas localidades o Goberno galego tamén contempla un proxecto sectorial para a mellora e ampliación das infraestruturas básicas de saneamento, cuxo importe é de 4,6 millóns de euros.
A secretaria xeral de Ordenación do Territorio e Urbanismo sinalou que na actualidade Augas de Galicia, que de acordo co convenio asinado será quen contratará e dirixirá a execución das obras, está a finalizar o proceso de supervisión técnica dos proxectos, previa á súa licitación.
Estas actuacións están enmarcadas nun convenio de colaboración entre da Xunta de Galicia, Augas de Galicia e a Empresa Pública de Obras e Servizos Hidráulicos, a Deputación Provincial de Lugo e o Concello de Barreiros. Cabe citar que ditos proxectos sectoriais foron aprobados definitivamente polo Consello da Xunta de Galicia de data 8 de marzo de 2012.
A execución destes proxectos sectoriais de abastecemento de auga, saneamento e rede viaria permitirá a consolidación das infraestruturas e servizos do solo urbano necesarios para a mellora da calidade de vida dos habitantes deste concello lucense.
O Goberno galego seguirá a colaborar cos concellos na resolución das súas necesidades e problemas máis urxentes, sempre dentro da legalidade e do respecto á normativa que en cada momento sexa de aplicación.
Núcleos tradicionais
Noutra intervención relacionada cos núcleos costeiros tradicionais, a secretaria xeral defendeu a preexistencia de núcleos de poboación próximos á costa anteriores á entrada en vigor da Lei de Costas.
Neste sentido, explicou que o conselleiro de Medio Ambiente, Territorio e Infraestruturas xa ten trasladado á Secretaría de Estado de Medio Ambiente, o interese da Xunta de Galicia en participar activamente nos traballos de modificación do actual marco normativo en materia de costas, e incidiu na perspectiva da realidade costeira galega.
Lembrou as demandas históricas neste sentido, que en Galicia teñen unha transcendencia e unha repercusión social de primeira magnitude, instando ao axuste da realidade normativa á realidade territorial da Comunidade, no relativo á ocupación tradicional de zonas costeiras.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
