OS SOCIALISTAS ESIXEN QUE SE ARRANXE A SAÍDA DE EMERXENCIA DA PISCINA DE LIEIRO CON MOTIVO DA CELEBRACIÓN DO CAMPIONATO GALEGO DE NATACIÓN
-Rexistraron a mesma reclamación no 2009, “dende aquel entonces non se fixo nada, esperamos que esta fin de semana esté solventado porque de non ser así calquer inconvinte será responsabilidade do alcalde”
-Subliñan que “é unha pena a imaxe de abandono que se ofrecerá do concello, cando a adecuada explotación destas instalacións podería dar moitos beneficios”
CERVO, 7 DE XUÑO. A piscina olímpica municipal de Lieiro acollerá este vindeiro domingo o Campionato Galego Máster de Natación Open e a saída de emerxencia segue estando inutilizable. Os membros do Grupo Municipal Socialista de Cervo rexistraron no día de onte unha solicitude para que se arranxe de forma urxente este problema, “cremos imprescindible que as instalacións estén en perfecto estado para a celebración deste evento durante a fin de semana”.
Xa no ano 2009 se fixo a mesma reclamación pero “dende aquel entonces ata o día de hoxe non se fixo nada, o que amosa a deixadez e despreocupación habitual do noso rexedor, Alfonso Villares. Esiximos que de cara ó fin de semana esté solventado, pode xurdir calquera urxencia e todo debe estar a punto. Calquer inconvinte derivado desta situación será única e exclusivamente responsabilidade do señor alcalde”.
Ademais de tratarse dun tema de seguridade, “é unha pena a imaxe de abandono que se pode dar ós visitantes. 200 nadadores xunto cos seus familiares visitarán Cervo esta fin de semana, é importante ofrecer os nosos mellores servizos para que se leven a mellor das impresións”.
Os socialistas insisten en que se arranxe o desperfecto de maneira urxente pero temen que o equipo de goberno repita a actitude que mantivo no 2009 e continúen sen facer nada, “é certo que estas instalacións non foron nunca do seu interese a pesares do potencial que teñen e da importancia que podían alcanzar se se explotasen adecuadamente”. Só existen tres piscinas destas características en toda Galicia, “a organización de eventos podería conlevar un retorno económico importante para todo o concello pero non hai nin iniciativa, nin ganas nin ningún interese”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
