A portavoz na materia do Grupo Popular, Emma Álvarez Chao, subliñou que “impulsa a organización do territorio, equilibrando os usos do solo e permitindo un adecuado aproveitamento dos recursos, de xeito racional e multifuncional
A NOVA LEI DE MONTES DE GALICIA, PENDENTE DO SEU DEBATE EN SESIÓN PLENARIA PARA A SÚA APROBACIÓN DEFINITIVA
Álvarez Chao concretou que a norma “ten como principio reitor combater a excesiva fragmentación da propiedade, que é o principal impedimento para a rendibilidade económica e sostible do monte”.
Logo do traballo da ponencia, incorporáronse ao texto inicial do proxecto de Lei de Montes de Galicia 99 achegas dos grupos da oposición, que modificaron 38 dos 147 artigos da norma, 3 disposicións adicionais, 4 transitorias e a disposición adicional primeira que modifica a Lei de prevención e defensa dos incendios forestais de Galicia
Santiago, 14 de xuño de 2012.- A Comisión 7ª do Parlamento galego aprobou hoxe o ditame sobre o proxecto de Lei de Montes de Galicia, polo que esta norma queda á espera do seu debate en sesión plenaria para a súa aprobación definitiva. A portavoz na materia do Grupo Popular, Emma Álvarez Chao, subliñou que esta nova lei “impulsa a organización do territorio, equilibrando os usos do solo e permitindo un adecuado aproveitamento dos recursos, de xeito racional e multifuncional, para optimizar as distintas actividades forestais sen menoscabo dos dereitos dos propietarios e os intereses colectivos da sociedade”.
Álvarez Chao concretou que a norma “ten como principio reitor combater a excesiva fragmentación da propiedade, que é o principal impedimento para a rendibilidade económica e sostible do monte”. Así mesmo, dixo que “preserva e fomenta a sustentabilidade do monte autóctono, agrupado fundamentalmente en masas de frondosas caducifolias características de Galicia, como as carballeiras, os soutos e as bidueiras, aumentando as restricións sobre os eucaliptos, xa que se prohiben as reforestacións e as novas plantacións destas especie intercaladas en zonas de bosques autóctonos e, en todo caso, tras os incendios forestais”.
“No seu conxunto, a nova lei trata, por un lado, de frear o abandono do monte e, por outro, de mellorar o desenvolvemento socioeconómico e medioambiental sostible de Galicia, xerando rendas de emprego no rural e contribuíndo, deste xeito, á fixación da poboación”, sinalou a portavoz popular.
INCORPORACIÓNS DO GRUPO POPULAR AO PROXECTO
Entre as aportacións realizadas polo Grupo Popular á nova lei, Emma Álvarez salientou que “ampliamos o concepto de monte, considerando como tal os enclaves arborados de frondosas caducifolias en superficie agrícola cando menos de unha hectárea, co fin de salvagardar masas, carballeiras e soutos cunha idade medida de polo menos dez anos”. “Ademais, en aras da protección e a defensa dos enclaves de frondosas caducifolias, introducimos a obriga nos casos de cambios de actividade agraria a forestal de facelo só con esta especie arbórea, eliminando a premisa que marcaba o anteproxecto de poder facelo con especies das superficies limítrofes”, apuntou.
Así mesmo, destacou entre as emendas introducidas polo Grupo Popular a encamiñada a artellar un plan de devolución plurianual para saldar a débeda de convenios ou consorcios finalizado o prazo de catro anos para o remate dos vixentes na actualidade, “co obxectivo de facilitar o pagamento da débeda de xeito que se poida axustar aos ingresos anuais planificados no instrumento de xestión e para axudar aos propietarios que teñen actualmente contrato de xestión pública e queren rescindilo”.
A portavoz popular afirmou que esta nova norma “derroga ou modifica 47 artigos da Lei de prevención e defensa contra os incendios forestais, a fin de obter unha maior operatividade mediante a clarificación das obrigas e deberes dos propietarios e os distintos actores implicados na loita contra o lume”.
En relación cos incendios forestais, Emma Álvarez criticou “a incongruencia e falta de criterio” dos grupos da oposición, logo de que socialistas e nacionalistas se abstiveran no Congreso dos Deputados a unha proposición non de lei presentada polo Grupo Popular que pedía o estudo dunha revisión do Código Penal para castigar adecuadamente aos incendiarios, “unha proposta idéntica á aprobada por unanimidade no Parlamento galego a proposta do PP e transaccionada cunha emenda presentada polo BNG”.
Álvarez Chao explicou que, logo do traballo da ponencia, incorporáronse ao texto inicial do proxecto de Lei de Montes de Galicia 99 achegas dos grupos da oposición, que modificaron 38 dos 147 artigos da norma, 3 disposicións adicionais, 4 transitorias e a disposición adicional primeira que modifica a Lei de prevención e defensa dos incendios forestais de Galicia.
REVANCHISMO POLÍTICO DA OPOSICIÓN
A pesar destas incorporacións, a portavoz popular lamentou que “o consenso nunca foi o obxectivo dos grupos da oposición para a aprobación desta lei, que viron nela o revanchismo político por dous motivos: en primeiro lugar, porque non se aproba o borrador que elaboraron cando estaban no goberno e, en segundo lugar, porque este Goberno, motivado pola inoperancia e confusión da lei de incendios, vese na obriga de ter que modificala, reformando deste xeito unha das leis das que máis orgullosos se senten os grupos da oposición da súa etapa á fronte da Xunta”.
“Marcan unha postura de liña dura e crítica que os leva a rexeitar este proxecto de lei por partir dunha formación política contraria”, lamentou Álvarez Chao, a pesar de considerar que “se trata dunha norma que debería ter vontade de permanencia no tempo, xa que calquera política que se aplique no monte non ve os seus froitos de xeito inmediato”.
Neste sentido, referiuse ao acordo polo monte presentado recentemente polos socialistas galegos, que cualificou de “publicidade barata que quería paralizar un proxecto de lei que, segundo dixo o secretario xeral socialista, acababa de chegar ao Parlamento, cando precisamente fixo o seu anuncio o día no que se realizaba a penúltima reunión da ponencia”. Ademais, criticou que a propia portavoz socialista “suspendera a ponencia ese día, precisamente para saír na foto ao carón do seu líder pedindo consenso, consenso que ten que materializarse precisamente no traballo da ponencia”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
