O CONCELLO ACOLLEU ESTA MAÑÁ A ENTREGA DE DÚAS VIVENDAS VPO EN RÉXIME DE ALUGUER A DOUS MOZOS MENORES DE 30 ANOS. FERNANDO SUÁREZ SINALOU QUE AGORA CONCELLO E IGVS TERÁN QUE SEGUIR A TRABALLAR PARA FACER NOVAS REMESAS DE VIVENDAS SOCIAIS EN RIBADEO.
Ribadeo, 15 de xuño de 2012. O salón de plenos do Concello acolleu esta mañá a entrega de dúas vivendas VPO en réxime de aluguer a dous mozos menores de 30 anos.
O alcalde, Fernando Suárez, contou que “no día de hoxe, aquí no salón de plenos, por parte de responsables do IGVS e do Concello fixemos entrega da documentación ás dúas persoas que resultaron adxudicatarias de dúas vivendas en réxime de aluguer, a través dun inmoble adquirido hai varios anos pola Xunta no casco vello de Ribadeo, para destinala a persoas menores de 30 anos”. Suárez Barcia sinalou que “os adxudicatarios, elexidos por sorteo ante notario, hoxe despois de cubrir diversa documentación puideron xa ter as chaves destas vivendas”.
O rexedor engadiu que “tamén esta mañá unha terceira persoa adquiriu unha vivenda en propiedade, que quedara vacante nesta última remesa de 30 vivendas que se adxudicaron na vía Transversal hai unhas semanas. Esa vivenda quedou vacante porque a adxudicataria tivo que renunciar a ela, entón corréuse a lista e a primeira persoa en lista de espera é a afortunada que puido facerse con esta vivenda en réxime de propiedade”.
Para Fernando Suárez trátase “de iniciativas boas as de rehabilitar vivendas no casco vello para alugarllas á xente moza, porque así se contribúe a facilitarlle unha vivenda a quen a necesita e porque contribuimos a mellorar o casco histórico de Ribadeo”. O alcalde ribadense dixo que “agora entre Concello e IGVS teremos que seguir traballando para facer novas remesas de vivendas sociais, pero para facelo deberemos ter aprobado canto antes o Plan Xeral de Ordenación Municipal. Niso é no que toda a Corporación está a traballar para sacalo adiante canto antes”.
Licencias definitivas de apertura
Por outra banda, Suárez Barcia rexeitou hoxe as críticas efectuadas nas últimas horas polo voceiro do Grupo Mixto sobre os requerimentos que están a recibir algúns bares ou establecementos hostaleiros para que adapten as súas licencias á normativa vixente. Para o rexedor o que está a facer Eduardo Gutiérrez é tocar de oido en lugar de ler a partitura. O alcalde subliña que non hai ningún afán recadatorio por parte do Concello de Ribadeo.
Para o alcalde “Eduardo Gutiérrez está falar do que escoita sen ler mínimamente a normativa vixente”. E explicou que “por mor das autorizacións de ocupación de vía pública para colocar as terrazas na época estival que moita xente ven pedir para esta tempada, aínda que nalgúns casos se están a ocupar desde principios de ano, un dos requisitos indispensables é que os locais teñan a licencia de apertura en regla de maneira definitiva, como teñen a grande maioría dos establecimentos deste concello. Nalgúns casos puidose comprobar que non contaban con licencia definitiva de apertura. Hai casuísticas diferentes dado que algúns iniciaron licencias provisionais e non as remataron, outras son moi antigas e requerímoslles de boa fé certa documentación para que se adapten á legalidade vixente no que ten que ver co local, non coas terrazas”.
Fernando Suárez manifestou que “agás erro ou omisión desde o Concello non temos ningún afán recadatorio, porque non imos cobrar as taxas que no seu momento xa se puideron cobrar, outra cousa é que os propietarios deixaron de rematar a tramitación que era imputable a eles, e para evitarlles a eles posibles problemas administrativos no futuro, non só co Concello, senón coa Policía Autonómica, coa Xunta de Galicia ou cos seguros, é por iso que lles recomendamos que rematen os seus procesos para ter o diploma que exhiben todos os locais deste concello acreditanto polo alcalde e polo secretario que ten licencia definitiva o seu establecimento”.
Para o rexedor ribadense “isto pode ser un pouco enrevesado, pero hai un símil co que se pode entender moi ben. Cando un propietario quere vir pedir unha licencia de ocupación de vía pública para montar un andamio, por exemplo, o Concello pódella dar, pero vaille pedir primeiro que teña que ter autorizada a licencia de obra. Non se pode dar a licencia de ocupación pública dun andamio para cambiar as ventás dun edificio que non teña licencia de obra previa. Pois isto ven sendo o mesmo”. Fernando Suárez fáille unha recomendación ao portavoz do PSOE “que toque desde a partitura máis que de oído para evitar estes erros que o único que fan é confundir á xente e desde o Concello non queremos confundir senón facerlle ver que a situación na que se encontran algúns locais contravén a legalidade vixente”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
