A CAMPAÑA ‘VIVO NA RÚA CELSO EMILIO FERREIRO’ DE CULTURA E EDUCACIÓN CHEGARÁ A PRÓXIMA SEMANA Á PROVINCIA DE LUGO
A Consellería distribuirá o material desta iniciativa nos fogares das rúas que levan o nome do escritor, para favorecer un maior coñecemento social da súa obra
A campaña presentarase o 27 de xuño en Burela, nun acto que contará coa participación do Concello, do IES Perdouro e da veciñanza
Santiago de Compostela, 24 de xuño de 2012.- A campaña Vivo na rúa Celso Emilio Ferreiro chegará a próxima semana á provincia de Lugo co obxectivo de favorecer un maior coñecemento social do poeta. Para isto, a Consellería de Cultura, Educación e Ordenación Universitaria distribuirá en todos os fogares das rúas que levan o nome do escritor folletos con información detallada da súa vida e da súa obra, en formatos diferentes e entretidos, e con contidos de interese para toda a cidadanía.
A presentación da campaña na provincia de Lugo terá lugar o mércores 27 de xuño en Burela, nun acto que incluirá a proxección de videopoemas de Celso Emilio Ferreiro no IES Perdouro, un paseo literario polas rúas e un recitado poético na praza do Concello, no que participarán veciños e veciñas do lugar.
A distribución do material desta campaña comezou nas rúas da provincia de Ourense no mes de abril e achegoulles o legado de Celso Emilio Ferreiro aos veciños do Carballiño, de Celanova, de Ourense, de Ribadavia e de Xinzo de Limia. A próxima semana, a iniciativa chegará aos concellos lucenses de Sarria, Monforte, Burela, Lugo, O Saviñao e Viveiro.
No mes de setembro, o percorrido proseguirá pola provincia de Pontevedra, nas rúas de Vilagarcía de Arousa, Cambados, Pontevedra, Nigrán e Vigo. Finalmente, a itinerancia por toda Galicia completarase en outubro nos fogares de Culleredo, Oleiros, Ares, Mugardos, Narón, Ferrol, As Pontes de García Rodríguez, Arteixo, Carballo, Cerceda, Santiago de Compostela e Ribeira, na provincia da Coruña.
Concerto e exposición en Vigo
Ademais desta iniciativa, a Secretaría Xeral de Cultura promove estes días outras actividades arredor da figura de Celso Emilio Ferreiro. O martes 26 de xuño, ás 20:00 horas, o Teatro do Centro Cultural Novacaixagalicia de Vigo acollerá un concerto homenaxe ao escritor, no que participarán novas figuras da música e da literatura galegas que interpretarán os versos do escritor. Tamén na cidade da oliveira, a Biblioteca Central acolle unha exposición multimedia coa que os visitantes poderán coñecer, a través de diversos recursos, a vida e a obra do poeta de Celanova.
Todas estas actividades forman parte da programación coa que a Xunta de Galicia está a celebrar desde comezos de 2012 o centenario do nacemento de Celso Emilio Ferreiro, así como os cincuenta anos da publicación do seu poemario Longa noite de pedra.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).