PURAO: ‘LEVAREI ESTE CLUB, VILA E AFECCIÓN NO CORAZÓN TODA A MIÑA VIDA’
Despois de catro intensísimas e emocionantes tempadas, o peche hispano-brasileiro Anderson de Almeida, Purao (Sao Paulo, 1975), despídese do CD Burela FS Pescados Rubén, co que rematou contrato en xuño, e de España para emprender novos proxectos. “Na vida deportiva hai ciclos e o meu en Burela rematou pero levarei este club, esta vila e esta afección no corazón toda a miña vida. Foi unha decisión dura porque en Burela tiven a miña casa e cando un se vai da casa sempre é difícil”, explicou o xogador.
Xa dende a súa terra natal, Purao trasladou os seus mellores desexos á escuadra burelista no seu novo periplo: “Deséxolle ao club e á mellor afección de España o mellor que poida existir. Coñecín e vivín o esforzo que se realiza tempada tras tempada para que o proxecto do Burela FS siga adiante; a súa estrutura e afección merecen gozar da Primeira División”.
“Seremos pataqueiros toda a nosa vida. Estaremos no Brasil acompañando os partidos e imaxinando Vista Alegre cheo e A Pataca Naranxa apoiando de comezo a fin, coma sempre”, así se quixo despedir Purao, agradecendo ademais “todo o cariño e atención que tiveron coa miña familia e comigo directiva, compañeiros e todos os burelaos”.
Anderson de Almeida recalou nas filas burelistas en 2008-09, procedente do Forma Cáceres 2016 de Prata, para converterse nunha das voces máis respectadas do vestiario laranxa, con ampla experiencia na elite, e dedicar catro apaixonantes loitas polo ascenso. Despois de equipos como Faci Spiritu Santo ou Carlos Barbosa no Brasil, Purao chegou a España para debutar no honorable Café Dry de Torrejón en 2000. Sete tempadas na Primeira División, a incursión no afamado Dinamo de Moscova (2003-04) e a oportunidade de ser internacional coa Vermella construíron un xogador sólido e compacto, un xogador impecable.
No final deste ciclo, a familia laranxa agradece os anos de dedicación, a coraxe e a profesionalidade de Purao e deséxalle a mellor das fortunas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
