O Concello recibe aos dous nenos saharauis que pasan o verán en Cervo e ás súas familias de acollida
-Waara e Bachrir chegaron hai unhas semanas a Cervo, onde estarán ata finais de agosto gozando dun clima de tranquilidade e convivencia
Cervo, 24 de xullo de 2012-O alcalde de Cervo, Alfonso Villares, e a edil de Servizos Sociais, Pilar Armada recibiron este mediodía na Casa do Concello a Waara e Bachrir, dous nenos procedentes dos campamentos de refuxiados saharauis no Tinduf (Arxelia), que pasan os meses de xullo e agosto en Cervo coas súas familias de acollida, que tamén asistiron ao acto. Ambas familias levan varios anos participando no programa Vacacións en Paz, promovido pola organización Solidariedade Galega co Pobo Saharaui e co que colabora o Concello cervense financiando as viaxes de ida e volta dos cativos. No caso de Waara, é o primeiro ano que pasa o verán en Cervo, mentres que este é o terceiro ano de Bachrir.
Este é o sétimo ano consecutivo no que o Concello se implica neste programa de solidariedade e axuda desinteresada que consiste na acollida temporal de menores saharauis por parte de familias cervenses co obxectivo de proporcionarlles unha estancia agradable e lonxe dun ambiente bélico e de precariedade de recursos e, ao mesmo tempo, afastalos do deserto nos duros e calorosos meses do verán.
“O acto de recepción de Waara e Bachrir foi un momento moi emotivo para o goberno cervense” explica a edil de Servizos Sociais, Pilar Armada. “Resulta moi gratificante ver aos nenos e ás familias felices por estar xuntos e poder compartir uns meses de alegría”. Dende o Concello de Cervo “queremos agradecerlles ás familias de acollida a súa sensibilidade e xenerosidade. Darlle as grazas tamén á asociación Solidariedade Galega co Pobo Saharaui, a organización que impulsa o programa Vacacións en Paz e outras moitas iniciativas de achegamento e convivencia entre o pobo español e o saharaui” engade Armada. A edil remata desexándolles aos cativos unha feliz estancia en Cervo.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
