O BNG AVOGA POR UNHA MODIFICACIÓN ÍNTEGRA DA POLÍTICA EDUCATIVA DA XUNTA E NON POR POÑER SOLUCIÓNS TEMPORAIS Á SITUACIÓN QUE ESTÁN A SOFRIR OS NENOS E NENAS DO COLEXIO DE SAN COSME. E CRITICAN A POSTURA MANTIDA POLO PP COA MOCIÓN PLANTEXADA POLOS NACIONALISTAS.
Barreiros, 31 de xullo de 2012. O BNG avoga por unha modificación íntegra da política educativa da Xunta e non por poñer solucións e parches á situación que están a sofrir, por exemplo, os nenos e nenas do colexio de San Cosme coa concentración do alumnado de infantil e de primaria. E critican a postura mantida polo PP coa moción plantexada polo BNG e abordada no pleno ordinario de onte.
A portavoz nacionalista, Ana Ermida, sinalou que “ao pleno de onte o BNG levou como xa anunciara unha moción en contra da concentración do alumnado de infantil e de primaria que se está a producir debido aos recortes que está a efectuar a Xunta en educación. Tratábase dunha moción xenérica que podía ser de aplicación ao caso concreto do colexio de San Cosme porque tamén está a sofrir estes recortes e como consecuencia queda sen tres dos mestres que ata o momento traballaban nese centro”.
Ana Ermida explicou que “houbo unha proposta para incluir un punto a maiores dos que xa contiña a moción, relativo a solicitar o mantemento do colexio de San Cosme. O BNG amosóuse disposto a asumir ese punto, si ben non se chegou a un acordo final xa que o goberno municipal non aceptou os puntos que levaba a nosa moción”. Para os nacionalistas “o PP puxo a disculpa de que era unha moción política e que eles creían que non era necesario modificar a política educativa que estaba a levar a cabo a Xunta. O BNG non tivo ningún problema en solicitar o mantemento do colexio de San Cosme, pero non se pode solicitar como algo puntual e que sexa unha solicitude para este ano sen ter que modificar a política da Xunta, xa que os recortes que está a ter o colexio de San Cosme veñen directamente desta política educativa que se está aplicar. Estánse a dar recortes en profesorado, ao transporte, ao material escolar, ás bolsas”.
Para Ermida “non chega con que se produza unha modificación puntual, senón que se ten que producirse unha modificación da política educativa de cara a garantir que os centros de ensino público teñan unha calidade mínima en calquera dos casos. Desde logo o que non se pode facer é apostar por unha solución a curto prazo e que xenera unha inseguridade total nos pais e nais que teñen os nenos neste centro de San Cosme”. A portavoz do BNG en Barreiros indicou que “o que está a pasar con este tipo de debates é incitar a eses pais e nais a que leven aos nenos a outros centros e pola vía dos feitos o que se está a facer é desmantelar o ensino público nese colexio. Por iso o BNG quixo manter a moción tal e como estaba porque entendemos que se trata dunha cuestión política, que son decisións políticas cando se decide recortar en educación pública e en cambio se manteñen os fondos para a educación concertada”. Os nacionalistas consideran necesaria “unha modificación íntegra da política educativa da Xunta e non solucións puntuais para salvarse a cara nun momento determinado”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
