A CORPORACIÓN ACORDOU POR UNANIMIDADE DIRIXIRSE Á XUNTA E AO GOBERNO DO ESTADO EN DEMANDA DE MEDIDAS URXENTES PARA PALIAR UN POSIBLE COLAPSO DO SECTOR LÁCTEO, “QUE ESTÁ A PAGAR A CRISE DUN XEITO BRUTAL”, SEGUNDO FERNANDO SUÁREZ.
Ribadeo, 6 de agosto de 2012. A Corporación Municipal acordou por unanimidade no seu último pleno ordinario dirixirse á Xunta e ao goberno do Estado en demanda de medidas urxentes para paliar un posible colapso do sector lácteo.
O alcalde, Fernando Suárez, dixo que “sempre destacamos a importancia do turismo en Ribadeo, hoxe mesmo destacamos as impresionantes cifras de visitantes, incluso en situacións económicas adversas, e tamén manifestamos o éxito de convocatorias coma a festa do percebe que esta fin de semana se celebrou en Rinlo, e que trouxo a moitísima xente a esta parroquia ribadense. Pero si todo isto é positivo non debemos esquecer a importancia que tivo e que ten o sector primario para a nosa economía tanto na comarca como en Ribadeo, concretamente o sector lácteo”.
O rexedor lembrou que “os gandeiros galegos son os que perciben un prezo máis baixo polo seu leite de todo o Estado. No mes de maio pasado recibiron un 5’5% menos do que é a media do prezo estatal do leite, e comparando con algunha outra comunidade un 15’61% por baixo do que perciben os produtores valencianos. E si o comparamos coas medias doutros países como Portugal, Holanda ou Alemaña as cifras van desde o 5 al 12% por baixo, e xustamente isto nun momento no que os custes de producción, fertilizantes, combustible, etc, teñen subidas espectaculares”.
Suárez Barcia destacou “o que unánimemente acordamos no pleno do pasado venres, dirixirnos aos gobernos do Estado e da Xunta para que articulen unha serie de medidas de maneira urxente de cara a evitar que o sector colapse definitivamente dunha vez por todas. A parte de congratularme de que todos estivemos a unha, quero lembrar que da xuntanza que se celebrou hai uns días no Concello de Ribadeo, e á que asistiron alcaldes da zona e representantes dos sindicatos agrarios, saiu algo moi importante que foi o compromiso de que desde cada Concello nos dirixamos ás empresas comercializadoras para pedirlles que non utilicen o leite como reclamo para outro tipo de produtos que queiran vender, que non o utilicen para vendelo por baixo do prezo de custo porque están contribuindo a arruinar a un dos sectores que máis se reconvertiu nos últimos anos e un dos sectores que está a pagar a crise dunha maneira brutal”. E engadiu que “agora todos os Concellos enviaremos unha serie de recomendacións ás cadeas de distribución alimentaria e estou convencido de que eles serán moi susceptibles de aceptar o que lles estamos a pedir para que nos axudemos entre todos”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
