O hotel restaurante Voar de Ribadeo inaugurou a súa terraza de verán

O hotel restaurante Voar de Ribadeo inaugurou hai uns días a súa terraza de verán, que está a ter unha gran acollida entre a súa clientela. Nela, do mesmo xeito que no resto dos comedores deste establecemento, pódense probar as preparacións incluídas na carta de verán e elaboradas polo cociñeiro Manuel López Valencia, entre as que destacan os arroces, as carnes á grella e outros pratos como o bonito do norte en rolo e á prancha, as sardiñas con salmorejo ou as anchoas con escalibada.