A FEDERACIÓN RURAL GALEGA-FRUGA RECLAMA Á XUNTA DE GALIZA QUE
DEIXE DE AFONDAR COAS SÚA POLÍTICAS NA CRISE DO SECTOR LÁCTEO
GALEGO
A Federación Rural Galaga-FRUGA solicitou unha entrevista coa conselleira do Medio Rural e do
Mar para buscar solucións á crise do sector
Lugo, 7 de agosto de 2012. O sector lácteo galego esmorece nunha crise que ameaza con
deixar, non só ao rural, senón ao conxunto da sociedade galega sen un dos seus motores
económicos. O prezo do leite que receben os produtores continúa a caer en picado namentres os
custos de produción continúan a subir nun ascenso que parece non ter fin.
O seguimento de dous dos principais indicadores no vacún de leite no último ano demostran que a
rentabilidade das explotacións leiteiras continúa a baixar. Desde a FRUGA estimamos que, de
media, unha explotación que cobraba o litro de leite en agosto de 2011 a 30 céntimos, agora, en
agosto de 2012 recibe un prezo de 27 céntimo por litro. Namentres, se fai un ano o quilo de penso
estaba a 33 céntimos, agora atópase a uns 39 céntimos por quilo. É dicir, as explotacións de leite
están recibindo polo leite no último ano un 10% menos e o penso encareceuse nun 18 % de
media.
Ante esta situación o Goberno Galego fica de brazos cruzados e iso perxudica directamente ás
nosas explotacións leiteiras. A case paralización de medidas que estaban a funcionar tales como o
o Banco de Terras, deseñado este para aumentar a base territorial das explotacións, a recente
aprobación da nova Lei de Montes que permite de novo a forestación de terras agrarias e os
atrancos que desde a Xunta se puxeron ao Contrato de Explotación Sustentable (CES), que
orientaban o modelo produtivo cara sistemas menos dependentes de alimentos externos ás
explotacións fai que as explotacións de leite teñan máis dificultades para resistir a difícil situación
na que se atopan.
A Xunta de Galiza continúa sen interesarse na creación dunha interprofesional láctea galega, a
mesa do leite, os contratos homologados e o observatorio do sector lácteo xa non contan coa
importancia que tiñan na Xunta do bipartito e isto nótase. Agora a situación mudou, o prezo do
leite galego xa non é superior á media do estado tal e como era antes, agora está por baixo, e iso
é consecuencia deste cambio de dirección.
Outra consecuencia da política do Partido Popular é a crise que está vivindo o sector cooperativo
agrario galego. Este atópase nunha situación de grave crise, chegando a darse situacións nas
que os produtores están tendo problemas para cobrar o seu leite debido a que algunhas das
cooperativas integradas en Alimentos Lácteos, non teñen capacidade para facerse cargo dos
pagamentos. Por outra parte a situación é límite noutros casos, xa que hai outras cooperativas
que se atopan practicamente en quebra.
Por todo isto desde a Federación Rural Galega-FRUGA, rexistramos unha solicitude de entrevista
coa conselleira do Medio Rural e do Mar co fin de buscar solucións a esta crise do sector lácteo
galego que pode acabar sendo unha lousa tanto económica como social na Galiza
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
