OS NACIONALISTAS ADVIRTEN QUE A AUGA VOLVERÁ SUBIR EN BARREIROS NOS VINDEIROS MESES DEBIDO Á APLICACIÓN DO CANON APROBADO POLA XUNTA. DESDE O BNG DENUNCIAN QUE “ESTE SERVIZO ACUMULA CONTINUOS INCREMENTOS NO CONCELLO, MENTRAS VECIÑOS E VECIÑAS SEGUEN A TER PROBLEMAS DE SUBMINISTRO ESTES DÍAS”.
Barreiros, 14 de agosto de 2012. Os nacionalistas advirten que a auga volverá subir en Barreiros nos vindeiros meses debido á aplicación do canon aprobado pola Xunta e denuncian que “dito servizo acumula continuos incrementos no concello, mentras veciños e veciñas seguen a ter problemas de subministro estes días”. Para o BNG de Barreiros “non é de recibo, como xa manifestou no momento en que o goberno municipal subiu as taxas municipais, que se estean a aplicar continuas subidas do prezo da auga cando o servizo que se presta ten importantes deficiencias. Nestes días, por moito que o alcalde se empeñe en negalo, está habendo problemas de abastecemento de auga nas parroquias costeiras; algo que xa se converteu en habitual nestas datas”.
A portavoz do BNG, Ana Ermida, sinala que “durante o verán, hai veciñas e veciños que, en determinados momentos do día non poden usar a auga das súas billas, porque non sae nin gota por elas. Isto súmase ao xa coñecido, e denunciado polo BNG en numerosas ocasións, problema de embarramento da auga cando chove. Polo tanto, as veciñas e veciños de Barreiros, entre uns e outros problemas, atópanse privados de usar a auga das billas durante grande parte do tempo. E mentras isto acontece, o goberno municipal, en lugar de buscar solucións e de poñer os medios dos que dispón para solucionar estas cuestións, adícase a negar a evidencia e a seguir subindo o prezo dun servizo do que as e os barreirenses non poden disfrutar”.
Desde o BNG advirten que “nos vindeiros meses asistiremos a unha nova suba no prezo da auga, xa que se aplicará o canon da auga aprobado pola Xunta e que incrementará o recibo, como mínimo, en 1,5 euros; que é a cota fixa do canon. Pero este incremento pode ser maior en función do consumo das familias”. Os nacionalistas calculan que pode haber unha subida media do recibo duns 3 euros, “isto sumado ao incremento que se produciu coa suba das taxas municipais, pode chegar a un incremento total do recibo de máis do 70% nos últimos seis meses”.
Ana Ermida engade que “cremos que o lóxico é que si se sube o prezo dun servizo, éste sexa útil e que as veciñas e veciños poidan dispor del. Non é normal que o diñeiro que se recada cos impostos da xente se destine a non se sabe qué e que, neste caso, o servizo da auga sexa igual ou peor que hai vinte anos”. Os nacionalistas insisten en solicitar ao goberno municipal “que poña solución ao problema de abastecemento de auga e que deixe de cargar ás veciñas e aos veciños de impostos para tapar os buratos da súa xestión.” Pídenlle “que execute as obras de mellora de abastecemento de auga co diñeiro que os promotores depositaron para iso e que non destine ese diñeiro para outros fins, porque é moi necesario para mellorar estes servizos. Este é o modelo do Partido Popular: primeiro, nas épocas boas, malgastan o diñeiro de todas e todos e agora, cargan encima das veciñas e veciños os custos da súa mala xestión”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
