Alcaldes, portavoces, deputados e cargos públicos da formación popular nesta comarca mantiveron unha xuntanza de traballo co seu presidente provincial e portavoz do PP no Senado
Jose Manuel Barreiro abre o novo curso político provincial cunha reunión co Partido Popular da Mariña
Unha das cuestións obxecto de debate neste encontro popular foi a relativa a tarifa eléctrica de Alcoa, fronte a que quixo transmitir unha mensaxe de tranquilidade: “Loitaremos por atopar unha solución satisfactoria”
Barreiro sinalou que Fomento cumpre coa Mariña e desbloquea os pagos pendentes polas expropiacións do treito da Transcantábrica entre Mondoñedo e Lindín que levaban catro anos paralizados pola anterior administración socialista.
O presidente provincial destacou que o Goberno galego do Partido Popular está a dar os primeiros pasos para a ampliación do centro hospitalario mariñán que o pasado ano cumpriu o seu 25 aniversario de funcionamento
A Mariña lucense, 20 de agosto de 2012.- O presidente provincial do PP en Lugo e portavoz do Grupo Popular no Senado, Jose Manuel Barreiro, escolleu a localidade de Foz para manter un encontro cos representantes do Partido Popular de Mariña que serviu de primeiro acto de apertura do novo curso político provincial.
Jose Manuel Barreiro reuniuse cos alcaldes, portavoces locais, deputados e principais cargos públicos da formación popular nesta comarca a fin de analizar distintas cuestións de actualidade e poñer en marcha a maquinaria do partido coa mirada posta nas vindeiras eleccións autonómicas.
TARIFA ELÉCTRICA DE ALCOA
Unha das cuestións analizada neste encontro popular foi a relativa a tarifa eléctrica de Alcoa. Barreiro explicou que o Goberno español, máis en concreto o Ministerio de Industria, está negociando coas empresas afectadas e coas eléctricas para acadar unha solución e lembrou que ata final de ano segue vixente a actual tarifa eléctrica.
Ao mesmo tempo o presidente dos populares lucenses deixou claro ante os representantes políticos do PP comarcal que será a formación política que preside a primeira á hora de poñerse ao carón dos traballadores desta compañía e reivindicar a necesidade de promover todos os mecanismos necesarios para garantir o futuro dos empregos e da actividade industrial dunha empresa que representa o principal motor económico da Mariña e, por influencia no seu PIB -entorno ao 30%- un dos motores económicos de toda a provincia.
SOLUCIÓNS FRONTE AOS 24 MIL MILLÓNS DE DÉFICIT TARIFARIO
“O Partido Popular, o Goberno da Xunta, o Ministerio, os alcaldes e portavoces… estamos traballando na mesma dirección e sen pausa por corrixir aquilo que outros non quixeron ou souberon arranxar. Para corrixir a situación herdada dos socialistas e ofrecer solucións á difícil problemática que atopamos ao chegar á responsabilidade de goberno en España: Un déficit eléctrico disparado, con 24 mil millóns de euros e un marco tarifario para grandes consumidores cuxo prazo de vixencia remata ao finalizar este ano. Desde a confianza neste esforzo, quero dar unha mensaxe de confianza: Loitaremos por atopar unha solución satisfactoria”.- asegurou Barreiro.
DESBLOQUEO AOS PAGOS DA TRANSCANTÁBRICA
O encontro popular tamén servirá para analizar outras cuestións da actualidade provincial, galega e nacional, así como medidas de importancia para a Mariña lucense como son o futuro das infraestruturas comarcais. Neste senso Barreiro deu a coñecer unha boa nova: Fomento desbloqueou os pagos pendentes polas expropiacións do tramo da Transcantábrica entre Mondoñedo e Lindín.
Segundo explicou Barreiro gran parte destes pagos estaban paralizados pola administración socialista anterior pese a que as actas de ocupación dos terreos databan, en moitos casos, do ano 2007, fecha na que os seus propietarios xa non puideron facer uso dos terreos. A realidade era que catro anos despois aínda se adebedaban o pago total das indemnizacións, feito que veu a corrixir agora Fomento en cumprimento dun compromiso da nova ministra, Ana Pastor, que ordenou o desbloqueo dos pagos pendentes nesta infraestrutura.
AMPLIACIÓN HOSPITAL DA COSTA
Finalmente, o presidente provincial do PP resaltou que o Goberno galego do Partido Popular está a dar os primeiros pasos para a ampliación do centro hospitalario mariñán que o pasado ano cumpriu o seu 25 aniversario de funcionamento. Segundo explicou Barreiro, Sanidade vén de confirmar que o Goberno galego está traballando na elaboración dun novo plan funcional do Hospital da Costa adaptado ás novas necesidades dos cidadáns da Mariña e ás innovacións médico-cirúrxicas acontecidas nos últimos anos, xa que o anterior plan, elaborado polo bipartito, non responde ás novas tendencias arquitectónicas.
Segundo explica Barreiro, este novo plan funcional presentarase antes de que remate o presente ano. E que, logo da presentación do plan funcional, a Xunta traballará no plan director e arquitectónico do hospital de Burela, dotándolle da consignación económica precisa nos orzamentos de 2013.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
