OS LARANXAS, SUBCAMPIÓNS DO VILA DE RIBADESELLA
O cadro laranxa alzouse esta fin de semana co título de subcampión do I Trofeo Vila de Ribadesella. As ausencias para o duelo de Primeira, ante o Triman Navarra (3-0), condicionaron en exceso o Burela FS Pescados Rubén, que viu neutralizadas no meta rival todas as súas tentativas.
Os de Julio Delgado plantáronse na final despois de gañar ao Avilés Sport (6-3), de Terceira División. Christian, André e Moi e Enrique, por partida dobre, foron os artífices dos tantos laranxas.
Na gran cita, o cadro laranxa, minguado, tívose que enfrontar a un rival experto, con xogadores de moita calidade, e a un encontro de alto ritmo; o Triman impuxérase ao anfitrión, Rompiente FS, de Terceira, con claridade (7-0). “As ausencias de Nacho e Mimi, xunto ás limitacións de Hugo e Dani, frearon as nosas opcións. Isto obrigou a que cobraran maior presenza Antón e Fabio, dos que realmente hai que resaltar o seu traballo tanto do trofeo coma de toda a pretempada”, dixo Julio Delgado, satisfeito. O adestrador valorou o xogo laranxa, aínda que algo tímido en ataque: “Fixemos os deberes defensivamente, aínda que nos faltou un pouco de profundidade, un obxectivo que melloramos na segunda parte” explicou o técnico, que cre que a clave do Burela FS para a súa incipiente incorporación á máxima categoría pasa por “coller confianza e decidirse a ir co balón arriba. Somos un equipo de Primeira e como tal debemos xogar”.
Soto del Barco, en Vista Alegre. Antes de internarse na aventura de Primeira División, os mariñáns despedirán a pretempada en Vista Alegre, coa visita do asturiano Soto del Barco, de Segunda B (mércores 12, 21.00 horas).
Ficha técnica
Burela FS Pescados Rubén: Edu, Moi, Iago Míguez, Juanma e Enrique, no cinco inicial; tamén xogaron André, Dani Martín, Christian, Iago Barro, Hugo, Fabio e Antón
Triman Navarra: Álex, Araça, Jesulito, Rafa Usín e Ximbinha, no cinco inicial; tamén xogaron Víctor, Íñigo, Iván, Jonatan, Eseverri, Asier e Roberto Martil
Goles: 0-1, minuto 5, Ximbinha; 0-2, minuto 15, Rafa; 0-3, minuto 27, Jesulito
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
