O PSOE denuncia que estudar en Lugo “nunca foi tan caro, nin de peor calidade, polos recortes de Rajoy e Feijóo”
– Feijóo “castiga especialmente o rural de Lugo, onde o 50% dos centros
mesturarán alumnos de diferentes idades e todos os colexios teñen menos
presuposto para mantemento que no ano 2009”
– “Rajoy di que as familias viven por riba das súas posibilidades, e iso é
mentira. Son os propios pais e nais e a comunidade educativa os que están
a manter o sistema de educación e os que arranxan os problemas causados
por Rajoy e Feijóo, ás veces con solucións imaxinativas”, destaca Burgo
-Concepción Burgo e Carlos Ferreiro subliñan que gastar 240.000 euros
nunha gardería que mantén pechada, cando na provincia quedan 700
nenos sen praza, é o mellor exemplo dos despropósitos da Xunta
– O Goberno galego “recortou en todo: profesores, libros de texto,
transporte, becas, obrigou a reagrupar a escolares como na época de
Franco, tendo que compartir a mesma aula nenos entre 6 e 13 anos…”
A cabeza de lista do PSOE pola provincia luguesa, Concepción Burgo, e o Secretario
de Educación do partido en Lugo, José Carlos Ferreiro, denunciaron este mércores
que “estudar nesta provincia nunca foi tan caro, nin de peor calidade, no curso con
máis problemas educativos de hai moitas décadas polos recortes de Rajoy e Feijóo”,
e subliñaron a “dobre discriminación e o ataque sistemático ao rural lucense, que
non pode ser admitido baixo ningunha condición”. Así, ao “ataque constante ao
profesorado en canto a condicións e prestixio público” súmanse as medidas de Rajoy
e Feijóo como “a suba do IVE”, e consecuencias a mestura de nenos de entre 6 e
13 anos nunha mesma aula, a non cobertura de baixas e, en definitiva, o fomento
da “calidade do privado en contra da ensinanza pública”.
O Goberno de Feijóo, advertiron os socialistas, “recortou en tódolos ámbitos
educativos, en todos: Eliminou profesores; asfixiou Preescolar na Casa deixando
na rúa a 32 mestres e sen este modélico servizo a 400 familias luguesas; suprimiu
axudas ós libros de texto -o que obriga ós pais a facer fronte a facturas de entre
250 e 380 euros- e ó transporte escolar; obrigou a reagrupar a escolares como
na época de Franco, tendo que compartir a mesma aula nenos de ata 6 cursos
diferentes; menos becas; menos investigación…”. Ademais, Concepción Burgo incidiu
en que “son a propia comunidade educativa e os pais e nais os que co seu esforzo
e solucións imaxinativas están a sacar adiante o sistema de educación pública”.
Engadiu que “Rajoy di que as familias viven por riba das súas posibilidades, e é
mentira; eles son os que están a arranxar os problemas que crean Rajoy e Feijóo”
Un dos mellores exemplos do “descontrol e disparates” de Feijóo na provincia,
remarcaron Burgo e Ferreiro, é que, “mentres 700 nenos da nosa provincia se
quedaron sen praza de guardería –a oferta só chega a 1 de cada 5 nenos-, a Xunta
gastou nada menos que 240.000 euros, case 50 millóns das antigas pesetas, á
construción dun centro en Alfoz, que mantén pechada por falta de pequenos”.
Os socialistas censuraron así mesmo que os beneficiarios do cheque infantil teñan que
adiantar do seu peto os cartos que teñen recoñecidos e que, “por riba de cambiar
o sistema, pagándolle directamente ós pais en vez de ás guarderías como ata o de
agora, as familias leven 8 meses esperando recibir os cartos”. Ademais, lembraron
que o PSOE aposta por recuperar “a gratuidade ao 90%” nos libros de texto, unha
medida eliminada por Feijóo.
O peor, no rural
A candidata socialista pola provincia e o secretario de Educación reprocharon a
Feijóo que “castigue especialmente ó rural, sendo Lugo unha das provincias máis
afectadas, o que acentúa o desequilibrio territorial e incrementa a gravísima perda
de poboación que xa sufre”. Neste seno, aseguraron que o 50% dos centros da
provincia mesturarán alumnos de diferentes idades e que todos os colexios teñen
hoxe menos presuposto para o seu mantemento que no ano 2009”.
Lembraron neste senso que a “irresponsabilidade e despropósitos” da Xunta está a
recibir unha forte contestación social. Na actual lexislatura, Lugo sufriu a redución de
máis de 200 mestres e profesores e, pese a absoluta opacidade nos datos oficiais por
parte da Xunta, as estimacións de sindicatos falan doutro recorte de ata 200 máis.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
