O VENRES COMEZA EN RIBADEO A IX MOSTRA DE TEATRO AFECCIONADO DANIEL CORTEZÓN.
Ribadeo, 19 de setembro de 2012. O vindeiro venres, 21 de setembro, da comezo a IX Mostra de Teatro Afeccionado Daniel Cortezón. O evento foi presentado esta tarde no salón de plenos do Concello nun acto ao que asistiu o alcalde, Fernando Suárez, o director do Grupo de Teatro de Ribadeo, Toni Deaño, e a directora do Grupo de Teatro da ANPA do CEIP Gregorio Sanz de Ribadeo, María Novo.
As representacións terán lugar no Cine Teatro de Ribadeo e a entrada é gratuita. O venres ás 21 horas o grupo Axóuxere de Foz porá en escea a obra Véndese unha mula ou pousada. O sábado, 22 de setembro, ás 20 horas o Grupo de Teatro da ANPA do CEIP Gregorio Sanz representará Na urbanización e ás 21 horas o grupo Trécola de Ourense interpretará A verdadeira historia do corazón reloxo.
Xa o domingo, 23 de setembro, ás 20:30 horas terá lugar a presentación do Grupo de Teatro de Ribadeo, que porá en escea Lisístrata e ás 21 horas O Aturuxo de Melpómene de Narón será o encargado de deleitar aos amantes do teatro con Cipriano de Bequelar.
María Novo explicou que “son uns 30 nenos os que forman parte do Grupo de Teatro do Gregorio Sanz, que cada ano repiten. Ésta foi unha das actividades extraescolares que organizou A Faxarda e que ten máis éxito. A obra de teatro que imos facer é unha visión do capitalismo e da especulación visto a través dos ollos dunha nena e como ela se arregla para loitar contra un constructor un pouco corrupto que quere destrozar unhas paraxes naturais onde vive ela”.
Toni Deaño sinalou que “o Grupo de Teatro de Ribadeo fixo unha convocatoria aberta e a elección da obra veu condicionada por iso. Vin o número de persoas que había, eran casi todos mulleres, e decidimos montar unha obra deste tipo e chegamos a Lisístrata de Aristófanes na que participan maioritariamente mulleres e por riba ten un alto contido feminista, moi axeitado á época que vivimos”. E engadiu que “casi todo o mundo é a primeira vez que actúa e están cos nervos propios da estrea. Estou sorprendido do traballo que realizan”.
Pola súa banda o alcalde, Fernando Suárez, valoróulles e agradecéulles “o traballo altruista a estes grupos de teatro porque o están a facer de balde, e ademáis vannos ofrecer unha visión crítica da actualidade”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
