FIN DE SEMANA DE MOTOR EN FOZ.
IX ROTA MONTES DA MARIÑA
Os próximos días 2-3 e 4 de Novembro celebramos a “IX rota montes da Mariña” en Foz. A xunta directiva do clube “Os Correcamiños 4X4” queremos agradecer publicamente a colaboración aportada polos organismos oficiais,empresas e asociacións, que fan posible organizar este evento, Concello de Foz, Deputación Provincial Vicepresidencia 1ª, membros de Protección Civil, Talleres Armando Rodríguez, Frutas Morriña e a todas as empresas e autónomos que colaboraron no cartel publicitario do evento.Tamén salientar o bo entendemento que tivemos coa “Sociedade de Cazadores A Frouxeira” que a fin de semana da rota decidiron non saír a cazar. E como non, a todos os socios que sen o seu traballo sería imposible levar adiante isto.
O venres día 2, a partir das 17:00 horas terá lugar na explanada do porto o recibimento dos primeiros participantes, chegados dende moitos puntos da peninsula, temos inscritos de Portugal, Navarra, Madrid, por mencionar os de máis lonxe e dar conta da popularidade que está alcanzando dita rota, e sen esquecer a xente de Castela, Asturias e por suposto Galega. E pasadas as 22:00 horas teremos a primeira cea do evento onde aos pilotos, copilotos e acompañantes xa lles empeza a subir a adrenalina.
O sábado comezarán a saír os primeiros participantes ás 09:00 da explanada portuaria,dirección San Martiño, onde temos o primeiro paso con dificultade e a súa correspondente alternativa. Despois seguiremos ata o “Pico de Verín” con fermosas vistas. De alí para a zona rochosa de Oirán e “A Frouxeira” baixamos a Santa Cilla e cruzamos pola Teixeira ata Cordido. A continuación entramos nos montes de Cordido e Cangas onde están os pratos fortes con bastantes subidas e pasos de dificultade media-alta. Pola tarde comezamos a vir cara Foz por Ribela. E logo unha das subidas estrelas da rota en Brea (Nois), cruzaremos para Fazouro e rematamos ao lado da canteira do “Pico da Lebre” con outra subida de dificultade media. Cearemos todos xuntos comentando a xornada a partir das 22:00 horas, logo un pouco de festa polos locais da vila e a descansar para a seguinte xornada.
Información para a xente que se queira seguir a rota como público o Sábado nos puntos de mellor aceso:
-As 9:30 horas en San Martiño a uns 300m. parte esquerda dirección Ferreira entre O Carmen e o cruce de Oiran.
-As 10:30 horas Chao Da Regueira a saída de Oiran dirección A Ermida.
-As 13:00 horas Campo De Gamoide en Rúa.
-As 14:00 horas Brea a Coto Do Acivro de fácil aceso en coche dende Nois.
-As 16:00 horas Mornelos o carón da canteira de Seixo
O domingo a partir das 10:30 os participantes poderán demostrar as súas habilidades no “Circuito da Roxa” en Vilaronte, nas distintas probas que se celebrarán durante a mañá. Logo xantar de despedida, entrega de trofeos.
Contaremos con uns 500 participantes e máis de 320 vehículos entre cohes, motos e quads.
O parque pechado estará na esplanada do porto de Foz e as comidas serviranse no pavillón do Colexio Martinez Otero a non haber aforo en ningún local da vila.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
