Na súa xuntanza do venres 8 de novembro, o Foro Local de AGE en Ribadeo acordou apoiar a folga xeral convocada a nivel europeo para o vindeiro mércores 14 de novembro rexeitando a política que está a levar a UE fronte esta grave crise. Así mesmo, decidiu participar na manifestación unitaria que terá lugar en Burela ás 12:00 horas co resto da militancia e simpatizantes da coalición da Mariña.
Estamos a vivir momentos históricos nos que a calidade de vida dos nosos fillos e fillas está en xogo: cómpre parar Europa e deixar claro aos políticos que a cidadanía está por virar o rumbo. Houbo que esperar que morrera xente para plantexarse seriamente o tema dos desafiuzamentos, non debemos esperar que haxa violencia nas rúas para comezar a loitar de verdade contra o desemprego, as inxustizas e as desigualdades. Por iso, o Foro Local de AGE anima a toda a cidadanía a sumarse a este rexeitamento na medida que as súas posibilidades o permitan, organizando protestas, difundindo mensaxes ou asistindo aos actos que se convoquen polas diferentes asociacións, sindicatos ou grupos políticos.
A este respecto, lembra que están convocadas folgas de consumo (non comprar o día 14) e de delantais (non traballar tampouco na casa), e que o Movemento 15M tamén vai a organizar actos en Ribadeo o mércores pola tarde. Entendemos que non abonda con parar, senón que hai que facer ver nas rúas a nosa oposición. A maiores de ver que non estamos sós, participar nos actos vainos dar a oportunidade de crear vínculos cos demais e colaborar en estratexias alternativas que mesmo poden axudarnos a saír adiante. Desde AGE entendemos a folga como un día de actividade, reflexión e debate. 24 horas dedicadas a entender que estamos a facer mal como sociedade e que podemos facer no noso día a día para mudalo.
Desde o Foro Local de AGE queremos facer un especial chamamento a todos os desempregados e desempregadas a mobilizarnos o día 14, a organizarnos para facer presión, a deixar patente o noso número e mesmo comezar a buscar solucións alternativas á súa situación, para o que AGE ofrécese a prestar o seu apoio. Do mesmo xeito, entendemos que o futuro do pequeno comercio e industria locais depende do poder adquisitivo da xente da comarca e da súa percepción do futuro. A actual estratexia de empobrecemento e inseguridade laboral é un enorme obstáculo para a supervivencia destes negocios, polo que animamos ao pequeno comercio a unirse o mércores ao rexeitamento á xestión pola UE desta crise.
O Foro Local de Alternativa Galega de Esquerda de Ribadeo
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
