O goberno de Cervo pídelle ao BNG que fale con claridade sobre o Museo do Mar e sen escudarse en cortinas de fume
-O executivo cervense tamén lamentou que os socialistas non coñeceran os motivos polos que o obradoiro de emprego se solicitou xunto con Alfoz e O Valadouro, tal e como establecían as bases da convocatoria da Xunta
Cervo, 12 de novembro de 2012-O goberno de Cervo considera que as declaracións do grupo municipal nacionalista sobre a ampliación do Museo do Mar non son serias. “Nós pedímoslles información sobre a situación e ofrecemos a nosa colaboración. Fomos moi claros manifestando a nosa implicación. E que nos responden? Cun cúmulo de declaracións que nada teñen que ver co Museo do Mar. Só lles faltou falar do cambio climático e da paz mundial” asegura o executivo local. O equipo de goberno considera que se trata “dunha cortina de fume dos nacionalistas” para “diluír a súa parte de responsabilidade na paralización total da ampliación”.
O goberno municipal considera que aos nacionalistas “non lles interesa falar abertamente da compra dos terreos” e tampouco “din claramente se queren que se amplíe o museo”, pero defende que “os cervenses teñen dereito a coñecer a postura do BNG e a súa opinión actual”. Os representantes municipais din que “hai dúas cousas moi claras: a ampliación é moi necesaria, e para acometela é imprescindible mercar os terreos anexos. Esas son as dúas cuestións que hai que abordar, todo o demais é embarrar” e o Museo do Mar “é un asunto moi serio no que está implicada a nosa cultura e o noso patrimonio”.
“Os nacionalistas de Cervo dedícanse a botar balóns fóra e a buscar culpables para esgrimir responsabilidades” engade. “O BNG segue dando mostras do seu cinismo. Falan de destinar cartos a servizos sociais, pero non se aplican o conto. Un exemplo claro está na Vicepresidencia Primeira da Deputación (BNG), que reparte millóns de euros pola provincia adiante para construír polideportivos, e mentres a riqueza pesqueira e marítima segue sen espazo oprimida polas catro paredes do museo que xa non permiten acoller máis fondos”.
Obradoiro de emprego
O goberno local tamén fixo alusión ás críticas do grupo municipal socialista, que se queixaba de que Cervo pediu o obradoiro de emprego con Alfoz e O Valadouro. A solicitude tiña que ser conxunta segundo as bases da Xunta, que establecían que os concellos con menos de 500 parados tiñan que unirse con outros municipios limítrofes para pedir o obradoiro de emprego.
“Era tan fácil como ler as bases da convocatoria para entendelo” explica o equipo de goberno “pero claro, para iso era necesario traballar”. “Cando un fala sen saber, ponse en evidencia. Pero o dos socialistas xa non sorprende. O seu é un caso crónico de desidia”, manifesta o goberno municipal “Son grandes especialistas en falar sen saber, aínda que o recomendable é todo o contrario, só falar cando se sabe” engade. “Ler leva o seu tempo, pero ler, e comprender aínda leva máis. E iso é moito pedir para persoas que entenden que estar na oposición se limita a desprestixiar ao goberno”, remata o executivo cervense.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
