Voto contra do seu pobo, contra o Museo do Mar
Unha das razóns que provocan un amplo distanciamento entre a cidadanía e os políticos é a incapacidade dalgún destes últimos por manter un discurso coherente e unha posición idéntica, para o mesmo tema, segundo o lugar no que se atopen. Non é sinxelo comprender como é posible que unha mesma persoa que defende unha iniciativa no seu concello vaia despois á Deputación de Lugo, por exemplo, e vote todo o contrario.
Foi isto o que aconteceu no último pleno provincial cando Lara Méndez –concelleira socialista en Cervo e vicepresidenta segunda da Deputación- que no seu concello tiña votado favorablemente a unha iniciativa reclamando a ampliación do Museo do Mar de San Ciprián, levantou despois a man para rexeitar unha moción do Grupo Popular Provincial, coa mesma petición. En resumo, un voto totalmente contraditorio e lesivo cos intereses do seu pobo.
Desde o Partido Popular, en Cervo e en Lugo, sempre mantivemos idéntica posición. Defendemos que o Museo Provincial do Mar constitúe unha icona para a bisbarra e sobre todo para o pobo de San Ciprián, como elemento esencial da súa identidade e como espazo de promoción, posta en valor e enxalzamento do patrimonio cultural, marítimo e pesqueiro de toda a provincia. Entorno a 18.000 visitas de lucenses e turistas así o avalan.
Amplialo non se trata dun capricho senón dunha necesidade. Cando fai tempo o museo conmemoraba o seu corenta aniversario, puido evidenciarse que o actual edificio quedaba pequeno non só para albergar as coleccións propias do museo senón incluso ás máis de 1.500 pezas catalogadas, procedentes moitas de depósitos altruístas de moitos lucenses. De feito a actual xerencia viuse na obriga de almacenar -nunhas condicións nefastas e como mínimo cuestionables- gran parte do material en posesión do museo nuns contenedores metálicos dispostos no patio traseiro do museo.
Tanto distintos colectivos, como o Concello de Cervo así como o conxunto da sociedade, vén reivindicando a necesidade de difundir e ampliar o museo do Mar máis antigo de Galicia, o noso. Hoxe esta decisión é urxente, pois temos unha oportunidade única como é a adquisición dos terreos anexos, evitar que futuras construcións encaixonen o museo e limiten a súa ampliación. Oportunidade que contrasta coa sordeira e desprezo dos actuais dirixentes do bipartito provincial.
Está claro que en política sobran comportamentos tan contraditorios e negativos como os que tivo a socialista Lara Méndez. Pola mañá di estar ao lado dos seus veciños e pola tarde, vota en contra do seu pobo. Non ten sentido que a Deputación dispoña de cartos para paseos con helicópteros, pasarelas de moda ou propaganda, para financiar unha gardaría en Paraguai ou á fundación cultural da UPG e non para o Museo do Mar. Pero os veciños saben tomar boa nota e recoñecen a aqueles que unha e outra vez poñen obstáculos e defraudan aos cidadáns aos que din representar.
Jose Manuel Balseiro Orol
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
