O Grupo Municipal Socialista de Foz presentou esta mañá unha MOCIÓN EN APOIO AOS AFECTADOS POLA ADQUISICIÓN DE PARTICIPACIÓNS PREFERENTES E DÉBEDA SUBORDINADA, coa finalidade de apelar á responsabilidade do Goberno, tanto a nivel Estatal, como Autonómico e, incluso, Local, e solicitar a posta en marcha das accións tendentes a acadar unha solución que permita a devolución íntegra das cantidades depositadas aos milleiros de persoas afectadas pola adquisición de participacións preferentes e débeda subordinada, dando traslado das medidas demandadas pola Plataforma de Afectados da Mariña Lucense.
Na actualidade, existen uns 37.000 afectados pola adquisición de participacións preferentes e débeda subordinada, dos cales só uns 10.000 puideron recuperar os seus aforros a través da vía da arbitraxe.
Milleiros de persoas foron enganadas polas entidades bancarias depositando os seus aforros de toda unha vida de traballo e sacrificios nun produto financeiro do que apenas se lles proporcionou información. Pola contra, o que se lles asegurou aos afectados que investiron os seus cartos na adquisición de participacións preferentes e débeda subordinada foi que poderían recuperalos no momento que considerasen oportuno.
Entre os afectados pola adquisición deste tipo de produtos financeiros existe xente analfabeta, sen estudios, de avanzada idade, e, incluso, discapacitados, que en ningún momento coñecían as condicións dos produtos que estaban a contratar, persoas que depositaron a súa confianza nalgúns empregados das entidades bancarias, e que foron enganados e estafados.
Por todo o exposto, o Grupo Municipal do PSdeG-PSOE de Foz, procede a dar traslado ao Pleno da Corporación das medidas solicitadas pola Plataforma de Afectados polas participacións preferentes da Mariña Lucense, sometendo para a súa aprobación a adopción dos seguintes ACORDOS:
Instar á Xunta de Galicia a que adopte as medidas oportunas para garantir que continúe aberta a vía da arbitraxe, e que a mesma siga funcionando, a lo menos, ao mesmo ritmo que con anterioridade ás eleccións autonómicas.
Instar á Xunta de Galicia a que adopte as medidas precisas para que as entidades bancarias determinen, á maior brevidade, que solicitudes de arbitraxe non se van admitir a trámite, de xeito que ditos afectados podan optar directamente pola vía xudicial, e o período de espera non supoña unha perda de tempo para os mesmos.
Instar á Xunta de Galicia a que acorde as accións necesarias para que se conceda o beneficio de xustiza gratuíta a tódolos afectados pola adquisición de participacións preferentes e subordinadas, coa fin de que os mesmos non teñan que facer fronte aos cuantiosos custes que supón a día de hoxe un proceso xudicial, que incluiría, ademais dos honorarios de avogados e procuradores, o pago dunhas elevadas taxas xudiciais.
Instar ao Goberno do Estado a que adopte as medidas tendentes para conducir á derogación da norma pola cal aos afectados por este tipo de produtos financeiros se lles impón unha quita coas entidades bancarias, que vai supoñer para os mesmos a perda de aproximadamente un corenta por cento dos cartos depositados, e o nefasto canxe por accións da porcentaxe restante, o que constitúe unha ilegalidade manifesta, xa que se está a tratar aos afectados, non como aforradores defraudados, senón como inversores.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
