RIBADEO SEGUIRÁ A CONTAR CON SERVIZO DE TELEASISTENCIA TRAS O CONVENIO ASINADO HOXE ENTRE O CONCELLO E A DEPUTACIÓN DE LUGO. EN TOTAL SON 113 AS PERSOAS QUE SE BENEFICIAN DO MESMO.
Ribadeo, 22 de xaneiro de 2013. O Concello asinou esta mañá coa Deputación de Lugo un convenio para manter o servizo de teleasistencia do que se benefician 113 persoas maiores do municipio. O alcalde, Fernando Suárez, sinalou que “como o Estado se desentendeu e a Xunta non quixo participar a Deputación tivo que subir a súa aportación e os Concellos temos que poñer o 50% do seu custe, que no caso de Ribadeo supón 15.000 euros ao ano”.
O rexedor dixo que a sinatura de dito convenio “é unha boa noticia para todos os veciños e veciñas de Ribadeo que xa estaban recibindo este programa dirixido a persoas non dependentes. Ribadeo é o concello da provincia que máis xente ten neste programa cun total de 113 usuarios”.
Suárez Barcia indicou que “a principios deste ano o Estado deixou de poñer a aportación que realizaba, que era o 65% do custe total, e a Deputación poñía o 35% restante. Como o Estado está mais pendente de salvar á banca e aos banqueiros e está mais pola labor de deixar tirados na cuneta á xente maior de 80 anos, como é o caso da inmensa maioría da xente que recibe a teleasistencia, a Deputación decidiu incrementar a porcentaxe da cuantía que viña aportando e os Concellos que queiramos contar con este programa temos que asumir a outra parte que é o 50%, aínda que antes non aportábamos nada”. O alcalde ribadense engadiu que “aínda que teñamos que aportar no caso de Ribadeo uns 15.000 euros ao ano parécenos fundamental seguir con este servizo de teleasistencia que lle da seguridade, que lle da cercanía e posibilidades de seguir vivindo soas a esas persoas que non queren abandoar os seus fogares, pero que por idade necesitan poder tocar un botón en caso de sufrir unha emerxencia e que alguén os poida escoitar e achegarse inmediatamente ata ese domicilio”.
Para Fernando Suárez o servizo de teleasistencia “é unha boa iniciativa que eu lle valoro moito ao Área de Benestar Social da Deputación Provincial de Lugo, na que o Concello ten que pagar a outra parte que lle corresponde, sen prexuízo de que quizais teñamos que repercutir unha parte aos usuarios, que ata o de agora non estaban a pagar nada por contar con este programa. En todo caso o máis importante é que o servizo sigue a ser prestado e seguirá a ser prestado cunha calidade tan boa como a que viña tendo ata o de agora”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
