Dende a Comisión Executiva do PSdG-PSOE de Burela e en contestación á nota de prensa emitida polo equipo de goberno de Burela temos que aclarar:
1º.- Que como di o refrán: “Rectificar é de sabios”, e dicimos isto porque nos consta de que o Concello de Burela tiña pensado ter representación política na feira Fitur e unha vez desmentido polo Sr. Alcalde este extremo congratulámonos de que así sexa e da rectificación.
Aclarar de todas formas que nós non estamos en contra de que o Concello puidera ter pensado acudir a esta feira, estamos en contra de ir nestes momentos nos que se lles quitou a axuda ós clubs deportivos, nos soben as taxas e impostos e nos recortan servizos, momentos nos que o Concello está a pedir ós veciños sacrificios que entendemos deben de ser correspondidos dende o equipo de goberno evitando gastos improdutivos.
2º.- Pedimos ó goberno de Burela que nos diga cal é o custe que lle representa enviar os folletos informativos que fan e pagan os propios locais hostaleiros de Burela á citada feira. ¿Que concepto pretendía cobrarlle o Concello ós hostaleiros de Burela?.
3º.- Aclarar que aínda que pense o contrario, ós socialistas de Burela si que nos preocupa o desenrolo do congreso provincial do PP a celebrar no noso pobo, xa que entendemos que os visitantes de Burela sexan do PP ou de outros partidos son xente que si levan unha boa impresión do noso pobo pode que volvan a visitarnos. Si ven o pobo nas condicións que ven estando ultimamente ó mellor o pensan. Nós non somos como o Sr. Barcia, entendemos a política de outro xeito, e entendemos que o que é bo para os veciños, é bo para nós. Esperemos que o Sr. Barcia aproveite este congreso para tratar temas tan importantes para o noso pobo como o acceso ó porto e a ampliación do Hospital da Costa que a día de hoxe están paralizados.
4º.- Para finalizar, e indo á crítica que facíamos na anterior nota de prensa pedímoslle ó Sr Barcia como máximo responsable do Concello que atenda ás nosas solicitudes e se poña dunha vez a gobernar e corrixa as deficiencias que denunciamos, case leva dous anos nos que os veciños de Burela lle deron a responsabilidade de gobernar o pobo e parece que aínda non se enterou. A oposición dende as pasadas eleccións toca que a faga o PSdG-PSOE de Burela e así o imos a facer, cumprindo coas nosas obrigas, cando vexamos que as cousas non se fan ben. Por iso denunciamos situacións que non nos parecen normais e pedimos ó equipo de goberno que as corrixa, se quere, polo ben dos veciños e veciñas de Burela.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
