O ALCALDE DE FOZ VALORA MOI POSITIVAMENTE A XUNTANZA MANTIDA HOXE EN SANTIAGO CON RESPONSABLES DE AUGAS DE GALICIA, QUE EN ABRIL VISITARÁN A MARIÑA PARA REUNIRSE COS PORTAVOCES MUNICIPAIS E CON REPRESENTANTES VECIÑAIS, AOS QUE ENSINARÁN A DEPURADORA DE RIBADEO.
Foz, 20 de febreiro de 2013. O alcalde de Foz fai unha valoración “moi positiva” da reunión que representantes da corporación municipal (o propio rexedor, o popular Javier Jorge Castiñeira; a voceira do PSOE, Rosa Pérez; o de Unifoz, Jaime Cancio; e o concelleiro do BNG, Xan Carlos González Basanta) mantiveron esta mañá en Santiago co director do ente autonómico Augas de Galicia, Francisco Menéndez, e técnicos dese departamento para analizar a construción dunha nova depuradora no municipio focense. Castiñeira explicou que a xuntanza tiña como obxectivo “tratar de desbloquear o expediente da depuradora” e comentou que “todos os grupos agradecemos ese detalle por parte dos responsables de Augas de Galicia para tratar de superar este bloqueo”.
O rexedor municipal dixo que Augas de Galicia “segue apostando precisamente pola opción que menos afección ten para as persoas e o medio ambiente, que é Sarrido, igual que o equipo de goberno. O resto de grupos manteñen máis ou menos as súas opinións e vamos intentar abrir algunha liña de negociación, vamos tratar de facer unha reunión cos veciños”.
Javier Castiñeira engadiu que os responsables de Augas de Galicia “de forma moi positiva responderon ás preguntas de todos os portavoces defendendo a opción de Sarrido, a que afecta a menos casas, a máis illada de todas. Tamén explicaron que a ampliación da propia depuradora de Foz é unha opción mala e das peores que hai en canto á afección ás persoas sobre todo”.
O alcalde focense comentou tamén que se trataba de “axudar a buscar un punto de encontro”, pero recoñece que “non é fácil, porque as posicións están bastante divididas e dispares, pero a nosa obriga é seguir traballando todos os grupos”.
Castiñeira tamén anunciou que a vindeira xuntanza para abordar este asunto terá lugar dentro dous meses, cando responsables de Augas de Galicia se desprazarán a Foz para reunirse de novo cos portavoces municipais e con representantes veciñais de Fazouro, de Forxán e da vila focense. O mesmo día está previsto visitar a depuradora de augas residuais recentemente construída en Ribadeo para ver o seu funcionamento porque é similar á que está previsto construír en Foz.
O rexedor municipal rematou cun agradecemento aos representantes de todos os grupos da corporación por desprazarse hoxe a Santiago para participar na xuntanza cos responsables de Augas de Galicia.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
