No Día Internacional da Muller, que se celebra este 8 de Marzo, os mozos e mozas socialistas consideramos que é inadmisible o ataque directo os dereitos da muller que está a levar a cabo o Goberno, poñendo a crise como escusa.
As reformas e decisións tomadas a cabo polo Partido Popular agravan día tras día a situación familiar e laboral das mulleres, as grandes prexudicadas polas políticas ultraconservadoras inxustificadas.
Xuventudes Socialistas de Lugo esixe o Goberno, con motivo do Día Internacional da Muller, que rectifique e invista nas mulleres españolas para garantir a súa igualdade respecto os homes, que se está vendo seriamente danada polas políticas postas en marcha polo goberno de Mariano Rajoy.
En opinión de Xuventudes Socialistas de Lugo, “somos testigos dunha evolución ideolóxica: están frustrando as expectativas de moitas mulleres mozas que confiaron nesta democracia e nesta país para implicarse nun proceso igualitario real”. “As mulleres españolas, con moito traballo e esforzo, tomaron parte dun modelo de avance en igualdade no que críamos que sempre iríamos cara adiante, sempre seríamos máis iguais”.
Dende esta organización xuvenil destacamos o empoderamento e influencia da muller española “grazas as institucións e políticas públicas que fomentaron plans de igualdade e a creación de leis que permitiron cambiar a nosa vida cotiá, penalizando a violencia o acceder a empregos por fomentar a conciliación laboral”.
Dende Xuventudes Socialistas instamos o goberno a que cese no axuste ideolóxico que reflexa nos Presupostos Xerais do Estado, no tasazo xudicial, na reforma laboral, na LOMCE, na modificación da Lei de IVE, na supresión da lei de dependencia e en todos os campos sobre os que se está estendendo o se modelo conservador, que retrocede 30 anos nos dereitos das mulleres e a súa igualdade real fronte os homes.
Os mozos e mozas socialistas cremos que a igualdade entre homes e mulleres é un dos piares da nosa democracia. As reformas e decisións tomadas polo Partido Popular agravan día tras día a situación familiar e laboral das mulleres, as grandes prexudicadas polas políticas ultraconservadoras inxustificables mediante a austeridade.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
