Lugo, 13 de febreiro de 2013.- O Partido Popular de Lugo, a través do seu secretario xeral, José Manuel Balseiro, saíu hoxe ao paso das críticas efectuadas polo PSOE e lembrou que, segundo as previsións da Xunta de Galicia, preto do o 57% dos alumnos lucenses non pagarán nada polo uso do comedor escolar.
Os populares defenden que a Xunta adoptou unha medida que garante que os que teñen menos recursos poidan seguir tendo acceso gratuíto aos comedores escolares e que o resto dos usuarios, con rendas máis altas, contribúan para poder seguir aumentando as prazas de comedores escolares xestionados pola administración autonómica.
EN FUNCIÓN DA RENDA
“Parécenos razoable que o acceso a determinados servizos se module en función das rendas. Ningún mileurista vai ter que pagar o comedor escolar, pero é normal que as rendas altas o fagan. Non é sensato que unha familia con ingresos de máis de 60.000 euros ao ano teña comedor gratis nun momento económico de dificultade como este” explicou Balseiro.
O secretario xeral dos populares lucenses insiste en que aqueles que realicen pagos deberán facelo en tramos de 1, 2,5 e 4,5 euros diarios como máximo, distribuídos en función da renda das familias. “Cremos que é unha medida xusta, que permite á Xunta priorizar os seus recursos e seguir estando á beira de quen máis o necesitan”.
DÉBEDAS DO PSOE
Balseiro tamén explicou que “fronte ao actual modelo, a oposición defenderá unha vez máis o modelo socialista: gratis total para todos, pero deixándoo todo a deber para que pague o seguinte que goberne”. Mentres que agora a Xunta aplica unha política máis xusta, de redistribución da riqueza, de responsabilidade na xestión dos recursos.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
