Carlos Callón: “A Xunta vende fume e gasta tempo e diñeiro para que a normalización non avance”.
“Onte, igual que hoxe, pódese facer o exame de conducir en galego, o problema é que onte, igual que hoxe, non existen materiais nas autoescolas para poder estudalo”.
Santiago de Compostela, 17 de abril de 2013.- A Xunta anunciou onte con enorme carga protocolaria, con até sete cargos públicos –estiveron presentes un conselleiro, un director xeral, o delegado do Goberno, un subdelegado do Goberno, o coordinador da Dirección Xeral de Tráfico en Galiza, a delegada da Xunta na Coruña e o xefe Territorial da Consellaría de Educación e Cultura–, a novidade histórica de que o exame teórico do carné de conducir estará “por fin” en galego grazas ao goberno de Alberto Núñez Feijóo. Porén, A Mesa pola Normalización Lingüística denuncia que é unha “enorme mentira”, pois “hai moitos, moitos anos que os exames de conducir se poden facer en galego, primeiro na versión en papel e, desde que esta existe, tamén na modalidade electrónica”.
Para o presidente da Mesa, Carlos Callón, este anuncio “hiperpropagandístico” é, por unha banda, a mostra de que a Xunta se centra en “vender fume” e, en lugar de tomar accións en defensa do idioma do país, “xustamente gasta tempo e diñeiro para que a normalización non avance”. Ademais, o portavoz da maior asociación cultural de Galiza subliña que “hai que ver o implicados que están estes sete cargos institucionais co galego, que nin sequera saben que é o que hai ou que é o que non hai neste idioma”.
Desde a organización cidadá reclaman que se “explique en que consiste entón o convenio asinado pola Xunta e pola Dirección Xeral de Tráfico” e se a Xunta vai pórse a asinar agora convenios con todas as administracións que teñen obriga de seu de recoñeceren a oficialidade do galego, “xa que a Dirección Xeral de Tráfico é unha administración e, como tal, non pode descoñecer os nosos dereitos lingüísticos”.
Callón recorda tamén que, aínda que existe desde hai moitos anos a opción para facer o exame teórico en galego, os problemas que existen para que haxa máis persoas que escollan tal opción son “en primeiro lugar, que está pouco anunciado, aínda que na Mesa non nos consta que houbese problemas de ningunha persoa que o solicitase e non se lle entregase” e, ademais, “o principal obstáculo é que non existe material docente en galego nas autoescolas e a Xunta non quere facelo, cando este si sería o seu campo de acción”. “Sábeno, díxoselle mil veces, e o único que fan é faceren fotos como a de onte para nos venderen máis e máis fume”, conclúe.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
