-O programa inclúe varias actividades interxeracionais de avós e netos.
-Hai dous eventos que requiren inscrición: o Un, dous, tres, no que poden participar parellas conformadas por netos e avós; e a excursión á Semana Verde de Silleda.
Cervo, 3 de maio de 2013-Esta fin de semana dará comezo o “Maio dos avós”, un completo programa de actividades para complementar o Día do Xubilado no que cabe destacar o carácter interxeracional da meirande parte das iniciativas, nas que “buscamos potenciar os lazos entre avós e netos organizando actividades conxuntas para ambos colectivos” explica a edil de Servizos Sociais, Pilar Armada.
Os actos arrincan mañá sábado, coa estrea da obra de teatro “Apedradas”, do grupo O Bordelo, que se representará no Auditorio da Casa da Cultura a partir das 19:00 horas. Unha comedia lixeira, baixo a dirección e co guión de Francisco Piñeiro, baseada na idiosincrasia galega pero cunha conexión directa coa realidade actual. Esta peza, protagonizada por dúas xeracións diferentes, convida ao público a reflexionar sobre situacións tan reais como a dun pai de familia, que despois de traballar duramente toda a súa vida vese abocado a seguir traballando para axudar aos fillos. Unha peza que atopa a súa inspiración nun caso real complementado con grandes doses de entretemento.
As actividades continúan o 10 de maio, cun obradoiro de confección de papaventos dirixido a avós e netos e que se desenvolverá na praza dos Campos a partir das 18:00 horas. O 17 de maio, Día das Letras Galegas, tamén hai preparado un evento interxeracional titulado “Retrato cos avós”, no que netos e avós poderán sacar unha fotografía xuntos. Será na Casa da Cultura de 11:00 a 13:00 horas.
O 24 de maio, ás 20:00 horas, na Casa da Cultura, chegará a terceira edición da recreación do programa de televisión Un dous, tres, que neste caso estará protagonizado por tres parellas de concursantes conformadas por netos e avós, que competirán xuntos por conseguir os mellores premios. Aquelas persoas que desexen acudir poden apuntarse xa na Casa da Cultura. A elección dos participantes realizarase por orde de inscrición.
A estas novidades hai que engadirlles a tradicional excursión a Silleda, coincidindo coa celebración da Semana Verde, que terá lugar o 14 de xuño. Para participar nesta actividade é necesario inscribirse na Casa da Cultura ou ben no teléfono 982 59 51 57. O prazo está aberto ata o 7 de xuño.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
