Lugo, a 20 de xuño de 2013.- O Grupo Provincial do Partido Popular vén de rexistrar unha pregunta plenaria dirixida ao presidente da Deputación Provincial de Lugo, José Ramón Gómez Besteiro, na que se interesan pola suficiencia da cantidade consignada para adxudicar a parte da obra pendente de realizar do proxecto Marco de Álvare –As Rodrigas (Riotorto), logo da rescisión do anterior contrato debido a situación concursal da empresa adxudicataria.
Os populares piden explicacións a Gómez Besteiro tras ter acceso a datos incongruentes que evidencian que a contía recollida en orzamento para sacar a licitación a parte da obra non executada é inferior a contía pendente de executar. Feito, que segundo os populares, pon en dúbida unha vez máis a continuidade e posible resposta positiva aos veciños en relación a un proxecto, cuxa primeira adxudicación data do ano 2007.
Os datos aos que tiveron acceso os populares reflexan que o importe executado da citada obra, segundo o director técnico, é de 355.068,96 euros, dun total de 967.167,98 –importe de adxudicación-. O que quere dicir que quedan pendentes de executar, segundo o técnico que fai a valoración, un total de 612.099,03 euros.
Sen embargo, á hora de elaborar o proxecto necesario para sacar a licitación a parte da obra non executada, o mesmo técnico recolle no orzamento do proxecto un total de 575.108,52 euros. Tendo en conta que quedaban pendentes de executar 612.099,03 e se consigna 575.108,03; a contía orzamentada é inferior, o que indica que a obra restante por executar leva 36.990,50 euros menos de orzamento do que debería.
Ante esta situación os populares pregúntanlle a Gómez Besteiro polas explicacións que motivan esta diferenza e ínstano a que garanta a suficiencia da contía para finalizar a obra.
Baixada no prezo de adxudicación
Os populares explican que a esta situación se lle suma que o prezo inicial do proxecto era de 1.033.000 euros, e que se reduciu a un importe de adxudicación no ano 2011 de 967.167,98 euros como consecuencia da baixa realizada pola empresa adxudicataria e o incremento do IVE ao 21%. Co cal os populares analizan que, se se parte deste orzamento para valorar a obra pendente de executar e se pretende volver a sacar a concurso en dito prezo, as empresas deberán realizar unha baixa ao contrato sobre a baixa realizada pola primeira empresa ao proxecto inicial. Polo tanto, os populares pregúntanse de novo se é suficiente a contía orzamentada.
Unha obra chea de datos contraditorios
Os populares amosan a súa máxima precaución ante esta situación de datos manifestamente contraditorios e máis logo de ter acceso a informes que evidenciaban que se pode estar ante un suposto moi grave de posible pagos de obras sen executar
Neste senso, o Grupo Provincial do Partido Popular lembra que leva tamén a pleno outra pregunta plenaria en relación a esta obra na que solicitan explicacións sobre o informe técnico interno ao que tiveron acceso os populares no que se reflexa un desfase do 50% entre as unidades de obra certificadas e as realmente executadas na obra de Marco de Álvare-As Rodrigas (Riotorto).
Os populares piden unha resposta rápida para os veciños
Os populares piden a maior premura e axilidade co obxecto de darlles unha resposta frutífera aos veciños de Riotorto que están a espera de que se remate unha obra que fora adxudicada no ano 2007, resolvéndose este primeiro contrato no 2010 por demora da Deputación á hora de levar adiante o procedemento pertinente.
As citadas obras adxudicáranse novamente o 25 de febreiro de 2011, cun prazo de execución de 6 meses, mentres que, tras rescisión contractual debido á situación da empresa, en xunta de goberno de 14 de xuño de 2013, lévase a proposta en relación co expediente tramitado para a contratación da obra “Riotorto-Proxecto modificado nº1 Marco de Alvare –As Rodrigas, terminación”.
Os populares explican que os veciños están a espera de que se remate unha estrada prioritaria para o municipio de Riotorto, por ser a que soporta maior número de tráfico diario e ser o único enlace coa capital lucense.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
