Ribadeo, 21 de xuño de 2013. A finais da vindeira semana celebrarase un pleno extraordinario no Concello para abordar, entre outros asuntos, o cambio de uso dos terreos que se reservarán para a futura residencia de maiores en Ribadeo. Son os que se atopan na rúa Paco Lanza e que ocupan actualmente as antigas vivendas de profesores. O alcalde, Fernando Suárez, insiste na necesidade de contar con esta instalación “para que se engada á que xa ten actualmente, pero que é insuficiente pola impresionante demanda que temos de persoas maiores”.
O rexedor explicou que “vimos de convocar unhas comisións informativas, previas ao pleno extraordinario que imos celebrar a finais da vindeira semana, cunha serie de puntos importantes para Ribadeo. A grande maioría son resultado e froito do traballo conxunto que estamos a facer entre os diferentes grupos da Corporación desde o punto de vista do urbanismo, xa que varios asuntos que irán a estas comisións tratan das aprobacións definitivas de convenios urbanísticos entre o Concello e varios propietarios en ámbitos urbanos da vila de Ribadeo, que xa foron aprobados por unanimidade ou case unanimidade, xa foron expostos ao público e agora trátase de dar o último empuxón coa súa aprobación definitiva”.
Suárez Barcia indicou que “a partires de aquí se está encarreirando todo para que agora nos próximos días, tamén máis cedo que tarde, poidamos dar un paso moi importante coa aprobación provisional do Plan Xeral, pero iso aínda non vai ser nesta semana que entra”.
O alcalde ribadense subliñou que “nestas comisións informativas someteremos ao control e á participación de todos os grupos un expediente para o cambio de uso dos terreos municipais que ten o Concello na rúa Francisco Lanza. Anteriormente estaban dedicados a un grupo de vivendas para profesores nas que xa hai tempo que non hai ninguén. Esa ubicación pode ser posible para a construción dunha residencia en Ribadeo e aínda que non teñamos o financiamento resolto nin garantido, aínda que teñamos o compromiso da Deputación de Lugo en participar e que de momento non temos contestación por parte da Xunta desde o Concello, desde a parte que poida depender de nós, queremos eliminar calquera posible obstáculo. O que trata este expediente é de cambiar o uso, xa que actualmente ten varios, incorporando outro para que sexa posible poder construír nestes terreos de titularidade municipal unha residencia para persoas maiores”.
Fernando Suárez engadiu que “isto é algo que foi comentado con todos os portavoces e todos estamos de acordo en ir dando pasos que non teñen volta atrás e que dentro de pouco tempo quizais todo o mundo se teña que retratar, o Concello, a Deputación e a Xunta, porque os veciños, que son espectadores desta situación. Eles estannos mirando e están atendendo fixamente ao que cadaquén está a facer e está a poñer da súa parte para que Ribadeo poida contar cunha nova residencia para persoas maiores, que se engada á que xa ten actualmente, pero que é insuficiente pola impresionante demanda que temos de persoas maiores”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
