O aspirante á secretaría xeral do PSdeG José Ramón Gómez Besteiro pon desde este luns a disposición da militancia o blog gomezbesteiro.com e o correo electrónico apoio@gomezbesteiro.com para facilitar o acceso ao seu proxecto e o envío de apoios a través de internet. “Quero facer da militancia o meu equipo”, di o socialista, que afirma que cada aval que reciba desde hoxe a ata o vindeiro 2 de agosto será “unha peza” do seu “compromiso”, a “garantía do cumprimento dos ideais socialistas” e “a sinatura dun vínculo coa militancia e coa sociedade a través da rendición de contas e da transparencia”. Gómez Besteiro pide “a confianza e apoio para ser candidato oficial á Secretaría Xeral do PSdeG cun novo proxecto compartido, integrador, galego e de esquerdas, no que a rexeneración democrática sexa o medio para acadar o verdadeiro fin do Socialismo: dar resposta á cidadanía como única alternativa sólida de goberno que somos fronte á dereita a dereita máis dura dos últimos 30 anos”.
“Vós decidides. Hoxe, co voso aval. O 7 de setembro, co voso voto”, dille Besteiro á militancia, á que lle lembra o seu “compromiso persoal” de non presentarse ao Congreso se antes non gaña a consulta coa militancia, para comezar a construción dun proxecto “de abaixo arriba”. Asimesmo, incide no seu obxectivo de “acadar apoios sen ataduras nin hipotecas” de ningún tipo. “A miña corrente é o PSdeG e o meu equipo, a militancia”, afirma o socialista, que debe acadar 1.125 apoios asinados antes do 2 de agosto para ser candidato oficial á Secretaría Xeral.
Blog gomezbesteiro.com
Co blog gomezbesteiro.com, creado a través da rede social gratuíta Tumblr e co apoio dos voluntarios da súa candidatura, quere abrir outra vía para “un diálogo aberto, libre e construtivo con toda a militancia e a sociedade” galega. “A meta é continuar sumando ideas para un novo proxecto de futuro do socialismo que teño a determinación de liderar”, afirma Besteiro, que agradece “todo o vivido e aprendido nestes meses” no seu percorrido polas agrupacións de toda Galicia. O blog recolle as principais ideas forza das visitas que mantivo ata agora coa militancia galega, e que continuarán nos próximos días ata cubrir todas as comarcas e cidades galegas, coa opción de facer comentarios e aportar ideas.
Asimesmo, o blog conta cos apartados “Son así”, para achegar a súa persoa e traxectoria ás persoas que o visiten, recolle entrevistas en diversos medios de comunicación nas que transmite as súas ideas, ten o espazo #Falamos, no que a xente pode mandarlle mensaxes directas e privadas para comunicarse con el, e recolle un resumo do seu proxecto e eixos programáticos. Desde o propio blog tamén se dá a posibilidade de subscribirse ás noticias ou seguir a súa conta de Twitter @jrgomezbesteiro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
