O CD Burela FS Pescados Rubén despediu onte, e ata 2014, o sétimo Campus Mixto Internacional de Fútbol Sala Base, unha edición que brillou de novo por un profesorado de primeirísimo nivel e na que reinou máis ca nunca a filosofía de igualdade do club laranxa, cunha altísima participación de alumnado feminino.
Na gala de clausura, as pequenas promesas do fútbol sala recibiron cadanseu diploma e medalla nun acto que contou coa presenza do tenente de alcalde de Burela, Manuel Fernández, o concelleiro de Deportes de Cervo, Luis Guillén, o presidente de Imdecum, Marcelino Luna, así como Manuel Blanco, José Luis Sáez, Rubén Blanco e José Ángel Dovale por parte do CD Burela FS, o técnico laranxa Juanlu e monitores do campus.
Ao longo de catro días, os preto de 40 alumnos/as do campus burelista, procedentes non só da Mariña senón doutros puntos da provincia, Asturias e incluso Madrid, puideron aprender e divertirse cos xogadores mariñáns Iago Míguez, Claudia, Lara, Paula, Juanma e Christian, así como co gardameta Edu. Ademais, os pequenos tiveron o privilexio de compartir sesións dirixidas polo director deportivo do Inter Movistar, Javier Lorente, os técnicos laranxas, Juanlu e Quico Otero, e o seleccionador galego, Manuel Castillo. O adestrador do Raba Eto Gyor, David Madrid, non puido participar na cita burelista, tal e como estaba programado, por motivos persoais.
O clínic contou unha edición máis co patrocinio da Área de Deportes da Deputación de Lugo, Concello de Burela e Fundación Imdecum, ademais da colaboración do Concello de Cervo, IES Monte Castelo e CEIP Vista Alegre. A Mariña-El Progreso foi o xornal oficial.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
