A Deputación de Lugo arranca esta fin de semana o Lugoteando, a programación medioambiental de actividades lúdicas e deportivas para públicos de todas as idades, que busca potenciar o medio natural como factor xerador de riqueza na provincia. Esta iniciativa, cofinanciada ó 80% por fondos europeos, desenvolverase o sábado na Pontenova e o domingo na Fonsagrada. Poderán participar 200 persoas (100 en cada municipio) de xeito totalmente gratuíto. As últimas prazas están dispoñibles en www.deputacionlugo.org. No caso de quedar localidades, os interesados tamén poderán inscribirse antes de comezar as actividades no propio lugar onde se celebren. Máis información na súa web ou en 982-26-01-47. Os menores de idade que desexen participar terán que presentar unha autorización asinada polos pais ou titores, que tamén se pode descargar na citada web.
Na Pontenova, a xornada terá lugar no Pozo da Ola, o sábado de 15:00 horas ás 20:00 horas. Poderase navegar polo río en pequenas embarcaciones co calypso boat, subir en bolas acuáticas, practicar paddle surf ou esquí acuático, así como patinar na terra movendo a cadeiras cos novidosos ezy roller.
O domingo, a mesma hora e na Praza do Museo da Fonsagrada, poderase coñecer a sensación que provoca cabalgar sobre as olas cun simulador de surf. Tamén haberá ezy roller, así como segway, skates a motor ou longskates.
Outras 800 prazas
Logo das actividades na Pontenova e na Fonsagrada, a Deputación leva o Lugoteando a sete localidades máis provincia, ofrecendo gratis outras 800 prazas e sumando un total de 1.000. A programación é moi variada polo que, ademais das mencionadas actividades, tamén se ofrécese a posibilidade de facer surf, coñecer os sea scooter (un pequeno motor con hélices que permite mergullarse con facilidade), subirse ás bananas acuáticas, facer paseos en canoa ou experimentar os patinetes acuáticos a pedal. A institución mantén aberto en www.deputacionlugo.org o prazo participar sen custe algún nesta programación, co seguinte calendario:
– 3 de agosto: O Valadouro, na praza de Ferreira do Valadouro
– 4 de agosto: O Incio, na praza do Concello
– 10 de agosto: Viveiro, no Club Náutico
– 11 de agosto: Monforte de Lemos, no parque dos Condes
– 17 de agosto: Foz, na praia da Rapadoira
– 18 de agosto: Vilalba, na área recreativa da Madalena
– 7 e 8 de setembro: Lugo, na zona recreativa fluvial dos Robles
Con fins económicos
A Deputación aposta polos recursos fluviais e litoriais da provincia como oportunidades económicas. Lugoteando é unha das actividades que organiza durante todo o ano, potenciado o turismo e o ocio medioambiental, e xerando riqueza. Esta é a 4º edición desta programación, que foi todo un éxito nas anteriores convocatorias grazas á participación de milleiros de persoas, que contribuíron a impulsar establecementos lucenses de diferente sectores (dende os de multiaventura ós da hostelería), mantendo postos de emprego, especialmente no rural, e axudando a fixar poboación.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
