Ribadeo, 22 de agosto de 2013.- O presidente do Partido Popular de Ribadeo, Jesús López Penabad, censura a actitude do rexedor local, Fernando Suárez, que se limita a escudarse tras a mentira e negar un feito que é coñecido por todos os veciños. O popular esíxelle de novo ao nacionalista que dea a cara e responda as preguntas dos populares.
O presidente do PP de Ribadeo realizou estar declaracións en relación a que o edil nacionalista, Vicente Castro, estea cobrando un soldo como traballador do ente provincial, sen realizar as labores que lle foron asignadas no seu nomeamento e prestando o seu servizo ao alcalde de Ribadeo.
Jesús López Penabad reproba que o alcalde da localidade se convertese nun “mentireiro”, cando é público e notorio, e pode constatalo calquera veciño, que a actividade que está a desenvolver Vicente Castro no ente local, -que lle ocupa a meirante parte da súa xornada laboral-, non é compatible co seu traballo na Deputación. Feito que provoca, segundo lembra López Penabad, que se cobre por unhas funcións que non se prestan, o que provoca que se estea ante un presunto caso de malversación de fondos públicos.
O popular esixe respostas
O presidente popular explica que quen empeza a estar “farta” da actitude do rexedor local é a súa formación política, que esixe respostas, xa que “nos atopamos ante un feito moi grave”.
Fernando Suárez “ten que dar a cara”, esixe o popular, e deixar claro ante os veciños, “aos que se debe” –matiza-, se é cómplice destes presuntos pagos irregulares. “Atopámonos ante un alcalde mentireiro, que non dá a cara ante unha situación coñecida por todos”, reitera ao popular, ao tempo que engade que “quen cala, outorga”.
Jesús López Penabad asegura que o alcalde nacionalista se “dá a de mestre e é especialista en poñer deberes”, porén, “neste caso somos os populares os que lles plantexamos preguntas, e como alumno aplicado que debería ser, pedimos explicacións”.
“Queremos saber se comparte esta situación”, pregunta o líder popular, e de non ser así, “que xestións prevé levar a cabo”, engade. “Pedirá a devolución do diñeiro percibido indebidamente ou pola contra pedirá a dimisión do edil”.
O BNG, presunto partido mafioso
O popular tamén asegura que a diferencia do exposto por Fernando Suárez , a “pregunta mafiosa organización é a súa” –en referencia ao BNG-, xa que se pode estar a falar dun posible financiamento irregular dun partido político.
Os populares aclaran esta acusación lembrando que a pretensión dos nacionalistas era liberar ao servizo do BNG a unha serie de traballadores nomeados a dedo na Deputación e, polo tanto, aforrar á formación nacionalista os cartos da súa contratación, cargándoos a costa dos recursos públicos provincias que sufragan todos os lucenses, de aí que falen dun presunto financiamento irregular.
“Pedímoslle que analice a súa propia casa”, proponlle Jesús López Penabad, “xa que todos temos feito este proceso”, e a partir de aí que explique se comparte esta situación, antes de “lanzar mentiras, mentres todos os ribadenses coñecen a verdade”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).