A comarca da Mariña concreta os últimos preparativos para recibir este sábado ao gran campión de Liga, Copa de España, Copa do Rei e Supercopa. O FC Barcelona saltará á pista da bomboneira para medirse á ilusión laranxa do CD Burela Pescados Rubén (18.30 horas).
O cadro de Juanlu esperará en voandas ao xigante por excelencia do fútbol sala, co apoio dun Vista Alegre entregado e ata a bandeira na súa tentativa de ir consolidando os seus pasos na liga para encher de alegría á familia burelista. A maxia da Mariña intentará retar a un titán que chega en cuarta posición con 12 puntos, tras o sorprendente empate da sexta xornada, o mércores na casa con Peñíscola (3-3). Ata o momento, outros dous rivais conseguiron arrebatarlle puntos, Inter Movistar e Santiago Futsal con 2-2, na terceira e cuarta xornadas respectivamente. Este non é o seu mellor momento, pero a reacción pode ser inmediata e imparable.
A expedición barcelonista, que chegará a Burela este venres sobre as 18.00 horas, está integrada por Cristian, Ari, Sergio Lozano, Saad, Fernandao, Paco Sedano, Aicardo, Torras, Gabriel, Lin, Igor e Wilde. No vestuario mariñán vestiranse Edu, Mimi, David Burrito, Iago Míguez, Isi, Juanma, Matamoros, Christian, Álex, Carlitos e Antoñito; Hugo cumprirá o último partido de sanción pola expulsión de Lugo.
Invitado de luxo
Vista Alegre contará este sábado cun invitado de luxo na bancada para a gran cita do fútbol sala, o seleccionador nacional, José Venancio López Ferro. Antes de presenciar o encontro da sétima xornada de Primeira División en Burela, pola mañá, o técnico da Vermella apadriñará a apertura oficial do Curso 2013-14 de formación de adestradores, baixo a organización da Federación Galega de Fútbol. “Planificación e organización da Selección Nacional Absoluta. Mundial de Tailandia 2012” será o título do relatorio de Venancio López, que comezará ás 11.00 horas, no IES Monte Castelo, con entrada aberta para todo o público interesado.
Entradas
No pavillón, as entradas estarán dispoñibles desde as 17.30 horas, con taquillas diferenciadas para socios (5 euros/maiores de 14 anos e 1 euro/de 0 a 13 anos) e o resto do público (20 euros/maiores de 14 anos e 3 euros/de 0 a 13 anos).
*Foto: A Caixa Escura Producións
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
