Barreiros, 22 de outubro de 2013. Comezaron as obras de mellora do casco urbano de San Cosme coa canalización dunha liña de media tensión, a substitución da traída da auga e do saneamento e a renovación da beirarrúa. A inversión ascende a 38.000 euros, procedentes dunha subvención da Xunta, segundo daba a coñecer hoxe o alcalde, Alfonso Fuente Parga.
O rexedor explicou que “no día de onte iniciábamos as obras aquí, en Barreiros, para canalizar unha liña de media tensión de forma que eses cables que están grampados polas casas e que aparte de supoñer un prexuízo para os donos desas vivendas tamén xeraban un impacto visual. Hai que ir mellorando o casco urbano de San Cosme”.
Fuente Parga dixo que “esas obras iniciáronse cunha subvención da Xunta de Galicia de 38.000 euros. Esta obra terá un prazo de execución dun mes e aproveitándoa tamén vamos substituír a traída de auga e un saneamento que ten moitos anos, que estaba en tubo de cemento e vaise cambiar por tubo de PVC. E a traída de auga, que a día de hoxe está incluso por debaixo das vivendas en zonas privadas, vaise pasar a unha canalización dunha sección de 125 por debaixo da beirarrúa, en zona pública”.
O alcalde barreirense subliñou que “o obxectivo é mellorar eses servizos neste tramo, que é unha primeira fase no casco de San Cosme. Ao mesmo tempo tamén se vai renovar o pavimento da beirarrúa”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).