O Burela FS Pescados Rubén B recibirá este sábado nun duelo provincial moi igualado o Vilalba FS; ambas as escadras chegan ao envite empatadas a 4 puntos. Vista Alegre acollerá a quinta xornada de Terceira División ás 16.00 horas.
Ao compromiso lugués, os pupilos de Lucas chegan co firme obxectivo de sacar os tres puntos. “É un partido que temos que gañar; sen esta vitoria vánsenos os equipos de arriba” aseguraba Lucas.
Os laranxas recibirán un rival que parece que chega nunha liña ascendente; vén de puntuar nos dous últimos encontros, con empate ante o Pazos de Borbén fóra (1-1) e triunfo na casa co sólido Santiago Futsal (3-2). “Perdeu unha peza clave con respecto ao ano pasado, Luis de Cospeito, pero segue sendo un conxunto aguerrido. A súa fortaleza radica na ordenación da defensa; esta calidade valeulles a vitoria da semana pasada ante o Santiago Futsal”, explicaba o mariñán.
Para Lucas a vitoria deste encontro pasa non perder a concentración: “Debemos evitar os descoidos; eses momentos cústannos moi caros. Foi o noso principal erro co Superti; a concentración desapareceu un par de minutos en cada parte e iso custounos catro goles”.
“Será un partido bonito, no que nos reencontraremos con Ismael” concluía o técnico facendo referencia ao xogador vilalbés que compartiu coa familia laranxa a pretempada do equipo de Primeira División.
Antón Couto cumprirá mañá o cuarto e último encontro de sanción; Bruno de Nois, lesionado, xa prepara o seu regreso paulatina aos adestramentos e Carlitos, dependendo das necesidades de hoxe no desprazamento de Primeira División, será unha posible incorporación para as filas de Lucas.
*FOTO: A Caixa Escura Producións
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
