O Burela FS Pescados Rubén B completou o sábado a súa maior goleada no que vai de tempada, impoñéndose 7-2 ao Concello de Vigo IES Coruxo, nun encontro moi intenso no que o cadro de Iván Cao, Lucas, atopou o tan perseguido e traballado acerto na finalización.
O dominio da escuadra laranxa tivo un perfecto reflexo no electrónico, con vantaxe de 4-1 ao descanso. Tras o temperán 1-0, de Keko, o conxunto vigués subiu a igualada no minuto 4. No entanto, o Burela FS B, cunha grande execución ofensiva, ampliou as distancias, nas zapatillas de Antón Couto (minuto 14), Manu (16) e Keko (17).
O segundo período retomou o cita da sétima xornada de Terceira cun xogo menos fluído; con todo, o cadro local aínda puido avantaxar cunha nova diana de Manu, no minuto 29. Tras o 5-2, de Aarón, no 33, o Coruxo apostou por porteiro xogador, aínda que sen obter resultados para a remontada. Os burelistas conseguiron neutralizar os arranques rivais con solvencia, coas guindas do hat-trick de Keko (35) e Xoel (38).
Ficha técnica
Burela B Pescados Rubén: Brais, Keko, Antón Couto, Carlos, Hélder –cinco inicial- Manu, Xoel, Antón González, Alemán, Javi.
Concello de Vigo IES Coruxo FS: Alejandro, Jonathan, Aarón, Álex, Francisco –cinco inicial- Andrés, Bruno, Alexis, Daniel.
Goles: 1-0, m.1, Keko; 1-1, m.4, Jonathan; 2-1, m.14, Antón Couto; 3-1, m.16, Manu; 4-1, m.17, Keko; 5-1, m.29, Manu; 5-2, m.33, Aarón; 6-2, m.35, Keko; 7-2, m.38, Xoel.
Árbitros: Fernández Pita // Amor Vizoso (Ferrol)
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
