Vilagarcía de Arousa, 11 de novembro do 2013 –Tee Travel e a Mancomunidade de Municipios de A Mariña organizaron, do 8 ao 10 de novembro, un famtrip para mostrar A Mariña lucense, conseguir un mellor coñecemento desta comarca e mellorar a súa comercialización. Esta viaxe de familiarización estivo conformado por touroperadores, axentes de viaxes especializados en sendeirismo e cicloturismo, blogueiros, Aser Álvarez, Director de Comunicación e Márketing na Asociación de Empresarios de Hostelería de Santiago de Compostela e Comarca e gañador do premio “Mestre Mateo 2013“; Xurxo Lobato, prestixioso fotógrafo galego, e Jordi Ferrer, director, programador e webmaster dun portal catalán de información de recursos turísticos de senderismo.
Itinerario famtrip
A viaxe comezou o venres 8 de novembro no Parador de Ribadeo, e os participantes foron recibidos pola delegada da Xunta de Galicia, Raquel Arias, o presidente da Mancomunidade de Municipios de A Mariña Lucense e alcalde de Barreiros, Alfonso Fuente Parga, e o secretario do ente e alcalde de Foz, Javier Castiñeira. Logo de presentarse o destino e o producto celebrouse unha cea no restaurante local San Miguel, un balcón sobre a ría que divide Asturias e Galicia.
A mañá do día 9 o grupo realizou un tramo do Camiño do Norte, e un paseo pola Ruta do Mar, que finalizou na Praia de As Catedrais, elixida a mellor de España, segunda de Europa e sexta mundial, nos premios Travellers’Choice Playas 2013. Despois de xantar no restaurante A Cofradía de Rinlo, especialistas en arroz caldoso de marisco, visitaron Mondoñedo con Suso Martínez, guía turístico oficial de Galicia. O grupo tamén aproveitou para coñecer o Museo Catedralicio e Diocesano de Mondoñedo, onde
foi recibido por Simonetta Dondi, marquesa dall’ Orologio e conservadora do Museo. Esa mesma tarde tamén participaron nun taller de alfarería, por Chus Lage, situado no mindoniense barrio dos Muíños, que se ubica nun antigo alfar que aínda conserva o forno de leña tradicional, e que antes foi de Delfeino Freire, O Vendaval, polo que Cunqueiro sentía pública admiración. Para Chus Lage, de Rutas de Artesanía na Mariña, “o torno relaxa, permíteche falar, pensar…” Como última actividade da xornada, os participantes do famtrip asistiron a unha cea no restaurante Casa Damián, en Foz, que contou coa divertida actuación do Mago Teto, actividade relacionada coa segunda edición do Mes da Maxia.
Para a mañá do día 10 organizouse unha bonita e agradable ruta en bicicleta pola Vía Verde, que parte da antiga estación de A Pontenova, e onde hoxe se encontra a Oficina de Turismo (situada xunto aos fornos). Por último, celebrouse un almorzo no Parador de Ribadeo para despedir con éxito aos participantes desta viaxe de familiarización.
Desde SOLOBIKE, axencia madrileña participante no famtrip, recoñecen que se consideran tremendamente afortunados porque “desde Tee Travel fixéronnos sentir a súa hospitalidade, profesionalidade, entrega, un derrocha de simpatía e enerxía… Coñecemos outro lado maravilloso da súa terra, que a facemos nosa, pero cunha compañía, sen dúbida, inigualable. Agradecémoslle a súa dedicación e que nos enseñaran parte dos tesouros que garda Galicia. Sen dúbida, profesionais e persoas que nunca olvidaremos”.
Acordo Tee Travel e a Mancomunidade de Municipios de A Mariña
A Mancomunidade de Municipios de A Mariña subscribiu este pasado verán un acordo con Tee Travel – axencia de viaxes maiorista-minorista, especializada en sendeirismo, cicloturismo, enoturismo e viaxes culturais- para potenciar o carácter diferencial de A Mariña como destino turístico. O obxectivo é poñer en valor os recursos da zona e difundilos en aqueles mercados potenciais de interese. O contrato establece as bases de colaboración para dinamizar e fomentar o turismo a través de actuacións concretas coma: o desenvolvemento dun novo producto ‘La Ruta del Mar: escapada a pe A Mariña (Costa de Lugo)’, unha selección dos mellores camiños, paseos e sendeiros para coñecer o litoral Cantábrico desde Ribadeo á localidade de San Cibrao. Este acordo tamén inclúe a creación dun boletín para enviar tanto a axentes de viaxe coma particulares, e a touroperadores de falas hispana e portuguesa; a edición dun folleto para distribuir nas feiras, ademais das bases de datos propias de clientes directos da axencia arousá, touroperadores, colectivos e empresas en todo o territorio nacional e internacional, facendo especial fincapé nas áreas onde se detecte maior demanda; difusión sobre A Mariña lucense na web e redes sociais en twitter e facebook a través do hashtag #sonfamdamariña; e a organización do famtrip para promocionar o destino turístico entre axentes de viaxes, operadores turísticos, bloggers e periodistas.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.